Saagar K Chandra: ‘భీమ్లా నాయక్’ డైరెక్టర్ సాగర్ కె చంద్ర ఎక్కడ?

సాధారణంగా ఒక దర్శకుడు సక్సెస్ అందుకున్న వెంటనే మరొక సినిమాను కూడా వీలైనంత త్వరగా అనౌన్స్ చేయడం ఇండస్ట్రీలో ఎప్పటినుంచో ఆనవాయితీగా వస్తోంది. కానీ పవర్ స్టార్ పవన్ కళ్యాణ్ తో భీమ్లా నాయక్ అనే సినిమాను తెరకెక్కించిన దర్శకుడు సాగర్ కే చంద్ర మాత్రం ఎక్కడా కూడా కనిపించడం లేదు. మొదట అయ్యారే, అప్పట్లో ఒకడుండేవాడు అనే కొన్ని చిన్న సినిమాలను తెరకెక్కించిన సాగర్ పవన్ కళ్యాణ్ తో ఓ సినిమా చేస్తున్నాడు అనగానే అందరూ ఒక్కసారిగా ఆశ్చర్యపోయారు.

ఒక విధంగా అతను చాలా అదృష్టవంతుడు అని కూడా అనుకున్నారు. ఇక పవన్ కళ్యాణ్ అభిమానులు అనుకున్నట్లుగానే పవన్ ను ప్రజెంట్ చేసినప్పటికి కూడా అతనికి ఎక్కువ గుర్తింపు దక్కలేదని తెలుస్తోంది. ఒక విధంగా ఆ సినిమా వెనకాల త్రివిక్రమ్ శ్రీనివాస్ ఉండడం కూడా అతనికి పెద్ద మైనస్ అని చెప్పాలి. త్రివిక్రమ్ శ్రీనివాస్ ఈ సినిమాకు రచన మాటలు అందించిన విషయం తెలిసిందే. అంతేకాకుండా సినిమా ప్రమోషన్ లో కూడా చాలా దగ్గరుండి చూసుకున్నాడు.

ఒక విధంగా డైరెక్టర్ను డామినేట్ చేసే విధంగానే కనిపించాడు. అయితే సినిమా విడుదలకు కొన్ని రోజుల ముందు మాత్రం త్రివిక్రమ్ సాగర్ ను హైలెట్ చేసే విధంగా వెనకడుగు వేయాల్సి వచ్చింది. ఇక అప్పటికే జరగాల్సిన డ్యామేజ్ జరిగిపోవడంతో సాగర్ చంద్ర ఎక్కువగా హైలెట్ కాలేకపోయాడు. అతనికి ప్రస్తుతం పెద్దగా అవకాశాలు దక్కడం లేదు. ఆ మధ్య కాలంలో ఒక హీరోతో సినిమా చేసే అవకాశం ఉన్నట్లుగా అయితే టాక్ వచ్చింది.

కానీ మళ్లీ ఇలాంటి అప్ డేట్ అయితే ఇవ్వలేదు రీసెంట్ గా అతని పుట్టినరోజు సందర్భంగా ఏదైనా అప్డేట్ ఇస్తారేమో అని అనుకున్నారు. కానీ అప్పుడు కూడా అతని పేరు సోషల్ మీడియాలో కూడా పెద్దగా వైరల్ కాలేకపోయింది. మొత్తానికి భీమ్లా నాయక్ సినిమా తర్వాత సాగర్ కే చంద్ర అయితే పెద్దగా గుర్తింపు అందుకోలేకపోయాడు మరి రాబోయే రోజుల్లో ఏదైనా అప్డేట్ ఇస్తాడో లేదో చూడాలి.

సర్కారు వారి పాట సినిమా రివ్యూ & రేటింగ్!

Most Recommended Video

‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!