జిల్ సినిమాతో ఇండస్ట్రీకి దర్శకుడికి పరిచయమైన రాధాకృష్ణ ఆ తరువాత మరొక మిడియం రేంజ్ హీరోతోనే సినిమా చేయాలని అనుకున్నాడు. కానీ అతనికి యూవీ క్రియేషన్స్ నుంచి ఆఫర్ రావడంతో ఒక్కసారిగా ప్రభాస్ తో సినిమా చేసే ఛాన్స్ కొట్టేశాడు. రాధే శ్యామ్ సినిమాతో తప్పకుండా సరికొత్త రికార్డును అందుకుంటాడు అని అందరు అనుకున్నారు. సినిమా విడుదలకు ముందు క్రియేట్ చేసిన బజ్ కూడా అంతా ఇంతా కాదు. అయితే రాధే శ్యామ్ విడుదల అనంతరం మాత్రం అతన్ని ఊహించని దెబ్బ కొట్టింది.
ప్రభాస్ సినిమా కెరీర్ లోనే రాధే శ్యామ్ సినిమా అత్యంత నష్టాలు మిగిల్చిన సినిమాగా బిగ్గెస్ట్ డిజాస్టర్ గా నిలిచింది. దీంతో దర్శకుడిపై తీవ్ర స్థాయిలో అయితే విమర్శలు వచ్చాయి. ఒక విధంగా రాధే శ్యామ్ సినిమా విడుదల సమయంలో దర్శకుడు రాధాకృష్ణ సోషల్ మీడియాలో చాలా హడావిడిగా కనిపించాడు. ఇక ఎక్కువ మంది ఫ్యాన్స్ నుంచి విమర్శల డోస్ పెరగడంతో అతను ఇప్పుడు ఎలాంటి నెగిటివ్ కామెంట్స్ ను అందుకోవడానికి ఇష్టపడడం లేదు.
సోషల్ మీడియాలో రాధాకృష్ణ ఎలాంటి ట్వీట్ చేసినా కూడా ఎవరు కామెంట్స్ చేయకుండా ప్రైవసీ సెట్ చేసుకున్నాడు. రీసెంట్ గా ఎన్టీఆర్ పుట్టినరోజు సందర్భంగా స్పెషల్ విషెస్ అందిస్తూ ట్వీట్ చేసిన రాధాకృష్ణ ఎవరు కూడా ప్రతీ స్పందించకుండా జాగ్రత్తలు తీసుకున్నాడు. ఇక అతనిపై రాధే శ్యామ్ ప్రభావం ఎంతలా పడిందో అర్థం చేసుకోవచ్చు. ఇక రాధాకృష్ణకు ప్రస్తుతం ఎలాంటి ఆఫర్స్ లేవు. అతనికి మళ్ళీ యూవీ క్రియేషన్స్ ఆఫర్ ఇచ్చే అవకాశం ఉన్నట్లు రాధే శ్యామ్ విడుదలకు ముందు టాక్ గట్టిగానే వచ్చింది.
కానీ సినిమా డిజాస్టర్ కావడంతో ఆ ఆలోచనలు మారిపోయాయి. ప్రస్తుతం ఈ దర్శకుడు ఒక కథపై అయితే చర్చలు జరుపుతున్నట్లు తెలుస్తోంది. మళ్ళీ బడా స్టార్ హీరోల దగ్గరకు వెళ్లకుండా మిడియం రేంజ్ హీరోలతో సినిమా చేయడానికి ప్రయత్నాలు చేస్తున్నట్లు తెలుస్తోంది.
Most Recommended Video
‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!
