‘ఓనమాలు’ సినిమాతో దర్శకుడిగా ఎంట్రీ ఇచ్చాడు క్రాంతి మాధవ్ (Kranthi Madhav) . అది పెద్దగా ఆడకపోయినా.. విషయం ఉన్న దర్శకుడు అనే మంచి పేరు సంపాదించుకోవడం వల్ల.. శర్వానంద్ (Sharwanand) ఛాన్స్ ఇచ్చాడు. అలా వీరి కాంబినేషన్లో ‘మళ్ళీ మళ్ళీ ఇది రాని రోజు’ (Malli Malli Idi Rani Roju) వచ్చింది. ఇది డీసెంట్ సక్సెస్ అందుకుంది. థియేటర్లలో కంటే ఈ సినిమాని టీవీల్లో ఎక్కువ మంది చూశారు అని చెప్పొచ్చు. ఇందులో చాలా సన్నివేశాలు యూత్ ను బాగా ఆకట్టుకున్నాయి.
డైలాగులు కూడా అదిరిపోతాయి. ఇంకో రకంగా దీన్ని క్లాసిక్ అని కూడా అనొచ్చు. అయితే దీని తర్వాత సునీల్ (Sunil) తో ‘ఉంగరాల రాంబాబు’ అనే కామెడీ టచ్ ఉన్న సినిమా చేశాడు క్రాంతి. అది పెద్దగా ఆడలేదు. అయినప్పటికీ విజయ్ దేవరకొండ (Vijay Devarakonda) ఛాన్స్ ఇచ్చాడు. అలా ‘వరల్డ్ ఫేమస్ లవర్’ (World Famous Lover) తెరకెక్కింది. ఆ సినిమా పెద్ద డిజాస్టర్ గా మిగిలింది. ఐశ్వర్య రాజేష్ (Aishwarya Rajesh)ట్రాక్ బాగున్నప్పటికీ.. మిగిలిన పార్ట్ అంతా ప్రేక్షకుల సహనానికి పరీక్ష పెట్టేలా ఉంటుంది.
‘వరల్డ్ ఫేమస్ లవర్’ తర్వాత క్రాంతి మాధవ్ కి హీరోలెవరూ ఛాన్స్ ఇవ్వలేదు. చాలా కాలం అతను మెగా ఫోన్ కి దూరంగా ఉన్నాడు. అయితే మొత్తానికి ఇప్పుడు అతనికి 3 ఆఫర్లు లభించినట్లు సమాచారం. ఇందులో సాయి పల్లవితో (Sai Pallavi) ఓ ఉమెన్ సెంట్రిక్ మూవీ ఉంది. అలాగే నాగ శౌర్యతో (Naga Shaurya) ఓ యాక్షన్ సబ్జెక్ట్ ఉంది. అలాగే దిల్ రాజు (Dil Raju) బ్యానర్లో కూడా ఓ ప్రాజెక్టు ఓకే అయ్యేలా ఉందట. ఈ 3 ప్రాజెక్టుల్లో ఒక్కటి వర్కౌట్ అయినా.. అతని హవా మొదలయ్యే అవకాశాలు ఉన్నాయి.
