‘హలో బ్రదర్’ సినిమా గురించి మనకు తెలియని సీక్రెట్..!

September 24, 2020 / 08:11 PM ISTByFilmy Focus

Join Us

‘హలో బ్రదర్’ సినిమా గురించి మనకు తెలియని సీక్రెట్..!

‘కింగ్’ నాగార్జున కెరీర్లో ఆల్ టైం హిట్స్ గా నిలిచిన సినిమాల్లో ‘హలో బ్రదర్’ కూడా ఉంటుంది అనడంలో సందేహం లేదు. బుల్లితెర పై ఇప్పటికీ ప్రేక్షకులని అలరిస్తూనే ఉంది ఈ చిత్రం. ఇ.వి.వి.సత్య నారాయణ డైరెక్షన్లో వచ్చిన ఈ చిత్రంలో నాగార్జున… దేవా మరియు రవి వర్మ పాత్రల్లో డబుల్ రోల్ చేసి అలరించాడు. ‘సుర్రు సుమ్మైపోద్ది’ అనే మాస్ డైలాగ్ ఇప్పటికీ అందరి నోట్లో నానుతూనే ఉంది. కోట శ్రీనివాసరావు, మల్లికార్జున రావు, బ్రహ్మానందం,అలీ ల కామెడీ, హీరోయిన్లు రమ్యకృష్ణ..

సౌందర్య ల గ్లామర్, కోటి సంగీతం.. సినిమాకే ప్లస్ పాయింట్స్ అని చెప్పాలి. ఇదిలా ఉండగా.. ఈ చిత్రంలో నాగార్జున డబుల్ రోల్ కు ఓ టాలీవుడ్ హీరో సాయం చేసాడట. అంటే రెండో నాగార్జునకు డూప్ గా అన్న మాట. ఆ హీరో మరెవరో కాదు మన ఫ్యామిలీ హీరో శ్రీకాంత్. ‘హలో బ్రదర్’ సినిమాలో బాత్ టబ్ సీన్ ఒకటి ఉంటుంది.ఆ సీన్లో నాగార్జున డూప్ గా చేసింది మన శ్రీకాంతేనట..! వీళ్ళిద్దరూ సేమ్ హైట్ ఉండడం వలన..అది బాగా సెట్టైందని తెలుస్తుంది.

నాగార్జున- శ్రీకాంత్ కాంబినేషన్లో 4 సినిమాలు వచ్చాయి. ‘వారసుడు’ ‘ప్రెసిడెంట్ గారి పెళ్ళాం’ ‘నిన్నే ప్రేమిస్తా’ ‘షిరిడి సాయి’. అయితే వీరి కాంబినేషన్లో వచ్చిన 5వ చిత్రమే ఈ ‘హలో బ్రదర్’ అని నాగార్జున ఓ సందర్భంలో చెప్పుకొచ్చారు. ఇక నిజ జీవితంలో కూడా వీరిద్దరి మధ్య మంచి సాన్నిహిత్యం ఉన్న సంగతి తెలిసిందే.