మహేష్ బాబు – త్రివిక్రమ్‌ కాంబినేషన్‌లో SSMB28ను ఇటీవల అనౌన్స్‌ చేసిన విషయం తెలిసిందే. సినిమాకు సంబంధించి ఎలాంటి సమాచారం ఇవ్వకపోయినా రకరకాల పుకార్లు మాత్రం బయట తెగ వస్తున్నాయి. వాటిలో కథ, హీరో పేరు, టైటిల్‌ లాంటివి ఉన్నాయి. అయితే తాజా సమాచారం ఏంటంటే… ఈ సినిమా ప్రారంభం ఇంకొన్ని రోజులు ఆలస్యం అవుతుంది అంటున్నారు. కరోనా సెకండ్‌ వేవ్‌ రాకపోయుంటే సినిమా ఈపాటికి మొదలయ్యేదే. ఇక SSMB28 ఆలస్యానికి కారణాలు చూస్తే… చాలానే కనిపిస్తున్నాయి.
వాటిలో ఒకటి కరోనా. దేశంలో కరోనా సెకండ్‌ వేవ్‌ రావడంతో చాలా సినిమాల్లాగే ఈ సినిమా పనులు కూడా ఆగిపోయాయి. పోనీ ఇప్పుడు మొదలుపెడదాం అనుకుంటే… ‘సర్కారు వారి పాట’ అడ్డొస్తోందట. ఆ సినిమాను ప్రారంభించి చాలా రోజులైంది. ఈ క్రమంలో తొలుత ఈ సినిమాకు డేట్స్‌ ఇచ్చి… పూర్తి చేయాలని చూస్తున్నాడట మహేష్. ఇది ఓ వాదన. ఇక్కడే మరో వాదన కూడా వినిపిస్తోంది.. అదే త్రివిక్రమ్‌ కమిట్‌మెంట్స్‌.
ప్రస్తుతం త్రివిక్రమ్‌ చేతిలో సినిమా ఏదీ లేనప్పటికీ… ఆయన ‘అయ్యప్పనుమ్‌ కొషియమ్‌’ సినిమాకు మాటలు, స్క్రీన్‌ప్లే అందిస్తున్నారు. నిర్మాణ సంస్థ కూడా ఆయనకు బాగా దగ్గర. ఈ సినిమా కూడా కరోనా కారణంగా లేట్‌ అవుతూ వస్తోంది. దీంతో ఈ సినిమా పని తొలుత పూర్తి చేయాలని చూస్తున్నారట. ఈ రెండు కారణాల వల్ల SSMB28 ఆలస్యమవుతోందంటున్నారు.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
