సంక్రాంతికి టాలీవుడ్‌లో ఓ వార్‌ నడవబోతోంది. ఇద్దరు అగ్ర హీరోల సినిమాలు ఒకేసారి విడుదలవుతున్నాయి. అయితే ఈ విడుదల విషయంలో ఇండస్ట్రీ నిర్మాతల మధ్య మరో చర్చ నడుస్తోంది. దానికి కారణం ఈ సినిమాలతోపాటు మరో తమిళ సినిమా వస్తుండటమే. అయితే ఆ సినిమా నిర్మాత, దర్శకుడు తెలుగువాళ్లే. ఈ విషయంలో సీనియర్‌ అగ్ర నిర్మాతలు ఒకలా, నిర్మాతల మండలి మరోలా మాట్లాడుతోంది. ఈ చర్చ అంతా పక్కనపెడితే.. మరో చర్చ మొదలైంది టాలీవుడ్‌ అభిమానుల్లో.
సంక్రాంతి సీజన్‌ను ఎట్టి పరిస్థితుల్లో వదిలేది లేదు అటు చిరంజీవి, ఇటు బాలకృష్ణ అభిమానులు పట్టుబట్టి ఉన్నారు. రెండు హిట్‌ సినిమాల తర్వాత చిరు, బాలయ్య సినిమాలు వస్తున్నాయి. అందులోనూ సంక్రాంతి సీజన్‌లో వస్తున్నాయి. దానికి తోడు ‘సంక్రాంతి హీరో ఎవరు?’ అనే ట్యాగ్‌ ఒకటి డిస్కషన్‌లో ఉంది. ఈ క్రమంలో అసలు సంక్రాంతికి ఏ హీరో సినిమా ముందు వస్తుంది అనేది ఇప్పుడు డిస్కషన్‌ పాయింట్‌ అయ్యింది. అంటే ‘వాల్తేరు వీరయ్య’ను ముందు తీసుకొస్తారా? లేక ‘వీర సింహా రెడ్డి’ వస్తాడా అనేది చూడాలి.
సంక్రాంతి సీజన్‌లో ఎప్పుడొచ్చినా ఒకటే. ఎందుకంటే ఆ వారం రోజుల సమయంలో వచ్చే సినిమాలకు కాస్త ఫెచ్‌ ఉంటుంది. అయితే ఓపెనింగ్స్‌ విషయంలో ముందు వచ్చిన సినిమాకే బాగుంటుంది అని చెప్పాలి. ఎందుకంటే సంక్రాంతి బరిలో ఫస్ట్ నిలిచిన సినిమాకు ఎక్కువ స్క్రీన్స్‌, థియేటర్లు అందుబాటులో ఉంటాయి. దాంతో తొలి రోజు వసూళ్ల రికార్డును ఆ సినిమా బద్దలుకొట్టే అవకాశం ఉంది. దీంతో తొలి అడుగు మా హీరోది పడాలి అంటే మా హీరోది పడాలి అని అభిమానులు అంటున్నారు.
అయితే ఇప్పటికే సంక్రాంతి సీజన్‌లో రెండు సినిమాలు తెస్తున్నారు అని మైత్రీ మూవీ మేకర్స్‌ మీద విమర్శలు వస్తున్నాయి. వాటిని ఫేస్‌ చేస్తున్న టీమ్‌కి ‘ఫస్ట్ పోరు’ ఎక్కువైంది. అయితే ‘వాల్తేరు వీరయ్య’ జనవరి 12న వస్తుందని, ‘వీరసింహా రెడ్డి’ జనవరి 13న విడుదల అవుతాయని ఇప్పటివరకు వచ్చిన సమాచారం. అయితే ఈ డేట్స్‌ అధికారికంగా ప్రకటించలేదు.
లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!
ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..
