వేణుమాధవ్ ని ఎన్టీఆర్ ఎందుకు కొట్టారు ?

దేత్తడి పోచమ్మగుడి.. నల్ల బాలు నల్ల తాచు లెక్క నాకి చంపుతా.. వంటి ప్రత్యేకమైన డైలాగులతో ఆకట్టుకున్న వేణుమాధవ్.. ప్రస్తుతం సినిమాలకు దూరంగా ఉన్నాడు. అయితే ఇతన్ని ఎన్టీఆర్ కొట్టారంట. ఎన్టీఆర్ కి కోపం వచ్చే పని ఏమి చేసాడు? అని అనుమానం కలగక మానదు. అయితే ఆ విషయంలోకి వెళ్లేముందు ముందుగా తెలుసుకోవలసింది… వేణుమాధవ్ ని కొట్టింది యంగ్ టైగర్ ఎన్టీఆర్ కాదు. మహా నటుడు నందమూరి తారకరామారావు. ఇక ఫ్లాష్ బ్యాక్ లోకి వెళితే .. వేణుమాధవ్ సినిమాల్లోకి రాకముందు తెలుగుదేశం పార్టీ కార్యాలయంలోలో టెలిఫోన్ ఆపరేటర్ గా ఉండేవాడు. ఆ సమయంలో ఒక్కోసారి ఎన్టీఆర్ ఇంటివద్ద రాత్రి పూట డ్యూటీ చేయాల్సి వచ్చేది. సంతోషంగా వేణుమాధవ్ అక్కడ పని చేసేవాడు.

అయితే ఒకరోజు రాత్రి ఎన్టీఆర్ గదిలో లైట్ ఆఫ్ చేయడం మర్చిపోయాడట. షూటింగ్ పూర్తి చేసుకొని ఇంటికి వచ్చిన ఎన్టీఆర్ కి వెలుగుతుండడం కోపం తెప్పించింది. దీంతో వెంటనే వేణుమాధవ్ ని పిలిచి లైట్ ఎందుకు ఆర్పలేదు అంటూ వెనక్కి తిరగమని చెప్పి ఒక్క తన్ను తన్నాడట. ఈ విషయాన్నీ రీసెంట్ గా వేణుమాధవ్ ఓ ఇంటర్వ్యూలో చెప్పాడు. ఆ తర్వాత ఎన్టీఆర్ తనని పిలిచి, పక్కన కూర్చోబెట్టుకొని టిఫిన్ పెట్టి, బాధ్యతగా ఉండమని సలహా ఇచ్చినట్లు గుర్తుచేసుకున్నాడు.

Also, do SUBSCRIBE to our YouTube channel to get latest Tollywood updates.