“మూలిగే నక్కపై తాటిపండు పడ్డట్లు” అనే సామెతను చాలా మంది వినే ఉంటారు కానీ.. అది ఎలాంటి సందర్భంలో వాడతారు అనేది మాత్రం పెద్దగా క్లారిటీ ఉండదు. ఇప్పుడు శ్రీనువైట్ల పరిస్థితి గమనిస్తే ఆ సామెతకు నిలువెత్తు నిదర్శనంలా కనిపిస్తుంది. అసలే చాలా కష్టపడి తెరకెక్కించిన “అమర్ అక్బర్ ఆంటోనీ” డిజాస్టర్ అవ్వడంతో ఏం చేయాలో పాలుపోక బాధపడుతున్న శ్రీనువైట్లపై ఇప్పుడు బాలయ్య ఫ్యాన్స్ ఫైర్ అవుతున్నారు. దాంతో ఏం చేయాలో తోచని స్థితిలో తికమకపడుతున్నాడు శ్రీనువైట్ల.
ఇంతకీ మేటర్ ఏంటంటే.. “అమర్ అక్బర్ ఆంటోనీ” సినిమాలో రఘుబాబు పోషించిన “గండికోట” అనే పాత్ర వ్యవహార శైలి కానీ.. మాట్లాడే విధానం కానీ బాలయ్యను తలపించేలా ఉన్నాయి. అలా ఉండడం తప్పు కాకపోయినా.. డైరెక్ట్ గా “నువ్వేమైనా బాలకృష్ణవా.. మీ నాన్న ఎన్టీఆరా?” అని డైలాగ్స్ పేలడం బాలయ్య అభిమానుల్ని ఆగ్రహానికి గురి చేసింది. తన సినిమాలో ఇండస్ట్రీకి చెందిన ఎవరో ఒకరిపై సెటైర్స్ వేయడం శ్రీనువైట్లకి అలవాటు. సక్సెస్ లో ఉన్నప్పుడు అది పెద్దగా ఎవరూ పట్టించుకోలేదు. కానీ.. ఇలా వీక్ టైమ్ లో ఇలా చేయడం “నేనింతే” సినిమాలో వేణు మాధవ్ చెప్పే పిట్ట కథను గుర్తుకు చేస్తుంది.
