సరిగ్గా రెండేళ్ల క్రితం ఈ టైంకి అంటే 2021 మార్చ్ టైంకి హీరోయిన్ కృతి శెట్టి పేరు తెగ వినిపించింది. ‘ఉప్పెన’ చిత్రం సూపర్ హిట్ అవ్వడం.. ఆ సినిమా సక్సెస్ లో మేజర్ క్రెడిట్ ఆమెకు చెందడంతో కృతి శెట్టి పేరు మార్మోగిపోయింది. ఆ తర్వాత వచ్చిన ‘శ్యామ్ సింగ రాయ్’ ‘బంగార్రాజు’ సినిమాలు కూడా సూపర్ హిట్ అవ్వడంతో నిర్మాతలు ఎగబడి ఈమెకు అడ్వాన్స్ లు ఇచ్చేశారు.
కానీ గత ఏడాది వచ్చిన ‘ది వారియర్’ ‘మాచర్ల నియోజకవర్గం’ ‘ఆ అమ్మాయి గురించి మీకు చెప్పాలి’ సినిమాలు మాత్రం ఒకదాన్ని మించి మరొకటి అన్నట్టు ప్లాప్ అయ్యాయి. దీంతో కృతి శెట్టి హవా తగ్గింది. అలాగని ఆమెకి అవకాశాలు లేకుండా పోలేదు. నాగ చైతన్య హీరోగా నటిస్తున్న ‘కస్టడీ’ మూవీలో హీరోయిన్ గా నటిస్తుంది. అలాగే మలయాళంలో ఓ సినిమా చేస్తోంది. ఒక్క హిట్ పడితే చాలు ఆమె మళ్ళీ ఫాంలోకి వచ్చేయగలదు.
అయితే కృతి శెట్టికి ప్లాపులు పడ్డాయి కానీ క్రేజ్ అయితే పడిపోలేదు. ఆమె ఫస్ట్ లుక్ తో క్రేజ్ సినిమాకి హైప్ తెప్పించుకునే ఛాన్స్ ఇంకా ఉంది. కానీ కృతి శెట్టి హీరోయిన్ గా నటిస్తున్న ఓ సినిమాకి సంబంధించిన అధికారిక ప్రకటన నిన్న వస్తే.. అందులో ఆమె పేరు లేకపోవడం గమనార్హం. పూర్తి వివరాల్లోకి వెళితే.. కృతి శర్వానంద్.. సరసన ఓ సినిమాలో నటిస్తోంది. షూటింగ్ కూడా సైలెంట్ గా మొదలైంది.
శ్రీరామ్ ఆదిత్య దర్శకత్వం వహిస్తున్న ఈ చిత్రాన్ని ‘పీపుల్ మీడియా ఫ్యాక్టరీ’ సంస్థ నిర్మిస్తోంది. నిన్న శర్వానంద్ పుట్టిన రోజు కావడంతో ఈ సినిమాకి సంబంధించిన ఓ వీడియో క్లిప్ ని విడుదల చేశారు. హీరోని హీరోయిన్ డాష్ ఇవ్వగానే ఇద్దరిలో కరెంట్ పాస్ అయ్యే ఒక రొమాంటిక్ సీన్. ఐతే, ఈ సీన్ లో శర్వానంద్ కనిపిస్తాడు కానీ కృతి శెట్టి మొహం కనపడదు. అందుకే ఈ చర్చ మొదలైంది. బహుశా ఆమె ఫస్ట్ లుక్ ను సెపరేట్ గా ప్లాన్ చేయడం వల్ల ఇప్పుడు దాచి ఉండవచ్చు అనేది ఇన్సైడ్ టాక్.
ఫస్ట్‌డే కోట్లాది రూపాయల కలెక్షన్స్ కొల్లగొట్టిన 10 మంది ఇండియన్ హీరోలు వీళ్లే..!
ఆరడగులు, అంతకంటే హైట్ ఉన్న 10 మంది స్టార్స్ వీళ్లే..!
స్టార్స్ కి ఫాన్స్ గా… కనిపించిన 11 మంది స్టార్లు వీళ్ళే
ట్విట్టర్ టాప్ టెన్ ట్రెండింగ్‌లో ఉన్న పదిమంది సౌత్ హీరోలు వీళ్లే..!
