Mohanbabu: ‘మా’ ఎన్నికల వేడి… నిన్న మీటింగ్‌ మీద పడిందా?

టాలీవుడ్‌ సమస్యలపై ఆంధ్రప్రదేశ్‌ ముఖ్యమంత్రి వైఎస్‌ జగన్మోహన్‌ రెడ్డిని త్వరలో చిరంజీవి నేతృత్వంలోని తెలుగు సినిమా బృందం కలవనున్న విషయం తెలిసిందే. ఈ నేపథ్యంలో ఇటీవల చిరంజీవి ఇంట్లో… టాలీవుడ్‌ ప్రముఖులు ఇటీవల సమావేశమయ్యారు. దానికి సంబంధించిన ఫొటోలు ఇటీవల బయటికొచ్చాయి. ఏం మాట్లాడారు అనేది కూడా బయటికొచ్చాయి. అయితే ఆ ఫొటోల్లో ఇద్దరు వ్యక్తులు మిస్‌ అయ్యారు. ఇప్పుడదే చర్చ. టాలీవుడ్‌లో కీలక వ్యక్తుల్లో మంచు మోహన్‌బాబు, నందమూరి బాలకృష్ణ కూడా ఉంటారు.

మరి ఆ ఇద్దరూ ఆ రోజు ఫొటోల్లో కనిపించలేదు. సింపుల్‌గా ఇదీ చర్చ. బాలకృష్ణ కనిపించలేదు అంటే విషయమే కానీ, అది ఎప్పుడూ జరిగేదే. ఇలాంటి విషయాల్లో చిరంజీవితో బాలకృష్ణ పెద్దగా కలవరు. అయితే మోహన్‌బాబు రాకపోవడమే ఇక్కడ విషయం. గత కొన్నేళ్లుగా టాలీవుడ్‌ టామ్‌ అండ్‌ జెర్రీలుగా పిలుచుకున్న మోహన్‌బాబు, చిరంజీవి మధ్య చక్కటి సయోధ్యే ఉంది. అయినా ఎందుకు రాలేదు అనేదే ప్రశ్న. మూవీ ఆర్టిస్ట్‌ అసోసియేషన్‌ ఎన్నికల్లో చిరంజీవి ఆశీస్సులతో ప్రకాశ్‌రాజ్‌ పోటీ చేస్తున్నారు.

ఆయనకు పోటీగా మంచు విష్ణు బరిలో ఉన్నారు. దీంతో చిరంజీవి, మోహన్‌బాబు మధ్య కోల్డ్‌వార్‌ నడుస్తోందని అందరూ అనుకుంటున్నారు. అందుకే మోహన్‌బాబు… చిరంజీవి ఇంటికి రాలేదని చెబుతున్నారు. మరోవైపు త్వరలో సినిమాల విడుదల ఉన్న నిర్మాతలు, దర్శకులు మాత్రమే ఆ మీటింగ్‌కి వచ్చారనే విమర్శ కూడా వినిపిస్తోంది.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!