స్టార్ హీరోలు, స్టార్ డైరెక్టర్లు, కామెడియన్లు, టెక్నీషియన్స్.. ఇలా అందరూ ‘సైరా నరసింహారెడ్డి” సినిమాను, ఆ పాత్రను పోషించిన మెగాస్టార్ ను కొనియాడుతూనే ఉన్నారు. హిందీలో “వార్” & “జోకర్” సినిమాలతో పోటీపడలేక ఢీలాపడింది కానీ.. తెలుగు రాష్ట్రాల్లో మాత్రం మంచి వసూళ్లతో దూసుకుపోతోంది “సైరా”. దీపావళి వరకూ చెప్పుకోదగ్గ సినిమా లేకపోవడంతో.. సినిమాను తమకు వీలైనంతగా ప్రమోట్ చేస్తున్నారు చరణ్ & చిరంజీవి. నిన్ననే త్రివిక్రమ్ చేసిన ఇంటర్వ్యూ కూడా వదిలారు. దానికి మంచి రెస్పాన్స్ వస్తుంది.
అయితే.. “సైరా నరసింహారెడ్డి” సినిమా గురించి ఇప్పటివరకూ రామ్ చరణ్ స్నేహితుడు, ప్రస్తుతపు కోస్టార్ అయిన ఎన్టీఆర్ మాత్రం ట్వీట్ ఏమీ వేయలేదు. ఇక ఇటీవల నాగార్జున, వెంకటేష్ లు తనకు ఫోన్ చేశారని చెప్పిన చిరంజీవి.. బాలయ్య గురించి మాత్రం ప్రస్తావించలేదు. దాంతో నందమూరి హీరోలైన ఎన్టీఆర్, బాలయ్య “సైరా”ను ఇంకా చూడలేదా లేక చూసినా స్పందించలేదా అనే డిస్కషన్ ఫిలిమ్ నగర్ లో మొదలైంది.
ఎవ్వరికీ చెప్పొద్దు సినిమా రివ్యూ & రేటింగ్!
సైరా సినిమా రివ్యూ & రేటింగ్!
