ఒక సినిమా హిట్ అయ్యాక… నెక్స్ట్ సినిమా కుదరడం ఒక్కోసారి చాలా కష్టమైపోతుంది. ఎందుకో తెలియదు కానీ… ఎన్ని కథలు విన్నా, ఆ సినిమా స్థాయి విజయం దక్కుతుందా అనిపిస్తుంటుంది. అలాంటి మీమాంసలో పడి తర్వాతి సినిమా కోసం వెయిట్‌ చేసిన వారిలో నవీన్‌ పొలిశెట్టి ఒకరు. ‘జాతిరత్నాలు’తో మంచి హిట్ కొట్టిన నవీన్‌… నెక్స్ట్ మూవీ అనౌన్స్‌ చేయడానికి చాలా టైమ్‌ పట్టింది. అయితే ఫైనల్‌గా ఇప్పుడు ఓకే అయ్యిందంటున్నారు.
‘జాతిరత్నాలు’ అయిన వెంటనే నవీన్‌ పొలిశెట్టికి వరుస సినిమాలు వస్తాయని అనుకున్నారు. ఈ క్రమంలో అనుష్కతో ఓ సినిమా చేస్తున్నాడని అన్నారు. మహేష్‌బాబు.పి అనే కుర్ర దర్శకుడు ఆ సినిమా చేస్తాడని, యూవీ క్రియేషన్స్‌ నిర్మిస్తోందని అన్నారు. అయితే ఏమైందో ఏమో కానీ ఆ సినిమా మెటీరియలైజ్‌ కాలేదు. దీంతో మరో కథ వినే పనిలో పడ్డాడు. ఆఖరికి ఓ కథ ఓకే చేసేశాడు అని అంటున్నారు. నవీన్‌ తదుపరి సినిమా సితార ఎంటర్‌టైన్‌మెంట్స్‌లో ఖరారైనట్లు సమాచారం.
ఈ సినిమాతో కల్యాణ్‌ శంకర్‌ అనే ఓ కొత్త కుర్రాడు దర్శకుడిగా పరిచయమవుతున్నాడట. ఇటీవలే నవీన్‌కు కల్యాణ్‌ ఓ కథ వినిపించారని… కథాంశం భిన్నంగా ఉండటంతో ఓకే చేశాడని అంటున్నారు. ప్రస్తుతం స్క్రిప్ట్‌ పనులు మొదలుపెట్టారట. త్వరలో సినిమాకు సంబంధించి అధికారిక ప్రకటన వెలువడుతుందని సమాచారం.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
Home