మహేష్ బాబు ప్రస్తుతం ‘సర్కారు వారి పాట’ మూవీ చేస్తున్నాడు. పరశురామ్ దీనికి దర్శకుడు. కరోనా సెకండ్ వేవ్ ఎఫెక్ట్ కారణంగా ఈ చిత్రం షూటింగ్ వాయిదా పడింది. జూలై 15 నుండీ షూటింగ్ తిరిగి ప్రారంభమవుతుందని చిత్ర యూనిట్ సభ్యులు చెప్పుకొస్తున్నారు. ఇది పూర్తయిన వెంటనే త్రివిక్రమ్ దర్శకత్వంలో మహేష్ ఓ సినిమా చేస్తాడు.’హారిక అండ్ హాసిని క్రియేషన్స్’ వారు ఈ చిత్రానికి నిర్మాతలు కావడం విశేషం. అయితే మ్యూజిక్ డైరెక్టర్ ఎవరు అనే విషయం పై చిత్ర యూనిట్ సభ్యులు ఇంకా క్లారిటీ ఇవ్వలేదు.
కానీ మ్యూజిక్ డైరెక్టర్ తమన్ మాత్రం.. ఈ చిత్రానికి తనే మ్యూజిక్ డైరెక్టర్ అని చెప్పుకుంటున్నాడు. అంతేకాదు తాజాగా క్లబ్ హౌస్‌ డిస్కషన్ ప్రోగ్రామ్ లో తమన్ మాట్లాడుతూ.. మహేష్-త్రివిక్రమ్ సినిమాకి సంబంధించి 3 పాటలు రికార్డింగ్ పూర్తయ్యిందని చెప్పుకొచ్చాడు.అక్కడితో ఆగలేదు ఈ సినిమాలో మొత్తం 5 పాటలు ఉంటాయని కూడా చెప్పాడు. తమన్ రెడీ చేసిన 3 ట్యూన్లూ కూడా ఓకే అయిపోయినట్టు కూడా తెలిపాడు.
అయితే సంగీత దర్శకుడు విషయంలో చిత్ర యూనిట్ సభ్యులు ఇంకా నోరు మెదపడం లేదు. పైగా అనిరుధ్, మణిశర్మ,దేవి శ్రీ ప్రసాద్ ల పేర్లు కూడా వినిపిస్తున్నాయి. దీంతో మహేష్ అభిమానుల్లో కొంత కన్ఫ్యూజన్ ఏర్పడిందనే చెప్పాలి. అసలు తమన్ ను సంగీత దర్శకుడిగా పెట్టుకుంటారా? లేదా? అనే డిస్కషన్లు కూడా ఇప్పుడు ఊపందుకున్నాయి.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
