ఇంద్రగంటి మోహన్ కృష్ణ దర్శకత్వంలో వచ్చిన మూడో సినిమా ‘అష్టాచమ్మా’ తో లైమ్ లైట్ లోకి వచ్చారు నాని, అవసరాల శ్రీనివాస్. ఈ మూవీలో ఓ రకంగా ఇద్దరూ హీరోలనే చెప్పాలి. కానీ తర్వాత నాని హీరోగా సెటిల్ అయితే అవసరాల మాత్రం సహాయ నటుడిగా సెటిల్ అయ్యాడు. కానీ ఎవ్వరూ ఊహించని విధంగా 2014 లో ‘ఊహలు గుసగుసలాడే’ అనే చిత్రంతో డైరెక్టర్ గా మారి డీసెంట్ హిట్ అందుకున్నాడు.
అవసరాలలో అచ్చమైన తెలుగు దర్శకుడు ఉన్నాడు అని ఆ చిత్రంతో ప్రూవ్ అయ్యింది. ఆ తర్వాత ‘జో అచ్యుతానంద’ వంటి మినీ మల్టీస్టారర్ తీసి మరో హిట్ అందుకున్నాడు అవసరాల. అయితే నటుడిగా బిజీ అవ్వడంతో డైరెక్షన్ కు కాస్త గ్యాప్ ఇచ్చారు. అయితే ‘ఊహలు గుసగుసలాడే’ చిత్రం టైంలోనే నానితో ఓ సినిమా చేయబోతున్నట్లు తెలిపాడు అవసరాల. అందుకే నాని కూడా రెడీ అని ఓపెన్ గానే చెప్పాడు. ‘జ్యో అచ్యుతానంద’ సినిమాలో నాని చిన్న గెస్ట్ అప్పీరెన్స్ కూడా ఇచ్చాడు.
కానీ ఆ తర్వాత నాని రేంజ్ పెరిగింది. ‘భలే భలే మగాడివోయ్’ ‘నేను లోకల్’ ‘ఎం.సి.ఎ’ వంటి సినిమాలు నానిలోని యాక్షన్ యాంగిల్ ను కూడా బయటకు తీశాడు. అవసరాల ఇంకా తన సినిమాల్లో ఫైట్లు పెట్టడం లేదు. అందుకే ఈ కాంబో సెట్ అవ్వడం లేదు అని అంతా అనుకున్నారు. అయితే ఈ విషయంపై తాజాగా అవసరాల శ్రీనివాస్ స్పందించాడు. అవసరాల శ్రీనివాస్ డైరెక్ట్ చేసిన ‘ఫలానా అబ్బాయి ఫలానా అమ్మాయి’ సినిమా విడుదలకు రెడీ అవుతుంది.
ఈ సినిమా ప్రమోషన్లో అవసరాల పాల్గొని నాని సినిమా గురించి క్లారిటీ ఇచ్చాడు. ”నానితో సినిమా చేయాలని నాకు కూడా ఎప్పటి నుండో ఉంది. నటుడిగా నాని అంటే నాకు ఎంతో ఇష్టం. తనతో సినిమా అంటే చాలా అంచనాలు ఉంటాయి. దానికి మంచి కథ కుదరాలి. నానితో తప్పకుండా సినిమా ఉంటుంది’’ అంటూ క్లారిటీ ఇచ్చాడు అవసరాల.
ఫస్ట్‌డే కోట్లాది రూపాయల కలెక్షన్స్ కొల్లగొట్టిన 10 మంది ఇండియన్ హీరోలు వీళ్లే..!
ఆరడగులు, అంతకంటే హైట్ ఉన్న 10 మంది స్టార్స్ వీళ్లే..!
స్టార్స్ కి ఫాన్స్ గా… కనిపించిన 11 మంది స్టార్లు వీళ్ళే
ట్విట్టర్ టాప్ టెన్ ట్రెండింగ్‌లో ఉన్న పదిమంది సౌత్ హీరోలు వీళ్లే..!
