టాలీవుడ్‌లో సినిమా కథను, ప్రీ ప్రొడక్షన్‌ పనుల్ని త్వరగా చేసేవాళ్లలో త్రివిక్రమ్‌ ఒకరు. ఆయన సినిమా కథ మీద కూర్చుంటే నెల, నెలన్నరలో పూర్తి చేసేస్తారని టాక్‌. అయితే త్రివిక్రమ్‌ ఈ మధ్య స్లో అయ్యారా… ఏమో అవుననే అంటున్నాయి టాలీవుడ్ వర్గాలు. SSMB28 సినిమా కథ గురించి ఇంకా త్రివిక్రమ్‌ కుస్తీలు పడుతుండటమే దీనికి కారణం అని తెలుస్తోంది. రేపో మాపో సినిమా స్టార్ట్‌ అంటూ ఆ మధ్య వార్తలొచ్చినా… మళ్లీ వినిపించకపోవడానికి అదే కారణమట.
‘11 ఏళ్ల తర్వాత వస్తున్నారు’ అంటూ SSMB28 గురించి ఆ మధ్య చాలా హడావుడిగా ప్రకటన చేసేశారు. అంతేనా ఆ వెంటనే సినిమా కథ ఇది, పేరు ఇది అంటూ కొన్ని అనధికారిక లీకులు కూడా బయటకు వచ్చాయి. వాటిని ఇంకాస్త అల్లేస్తూ వార్తలు బయటికొచ్చాయి. అయితే ఈ సినిమాకు సంబంధించి త్రివిక్రమ్‌ దగ్గర కేవలం పాయింట్‌ మాత్రమే ఉందట. అది చెప్పే మహేష్‌ను ఒప్పించారట. ఇంకా కథ కసరత్తులు అవ్వలేదట.
సినిమా కథ విషయంలో త్రివిక్రమ్‌ ఆలస్యం వెనుక రెండు రకాల కారణాలు వినిపిస్తున్నాయి. అందులో ఒకటి మహేష్ ఇంకా ‘సర్కారు వారి పాట’ పనులు పూర్తి చేయాల్సి ఉంది. ఆ సినిమా ఇంకా చాలా సమయం పట్టేలా ఉండటంతో త్రివిక్రమ్‌ మెల్లగా చేసుకుంటూ వెళ్తున్నాడట. మరొకటి ‘అయ్యప్పనుమ్‌ కొశియమ్‌’ సినిమా రీమేక్‌ పనులు. పవన్‌, రానా నటిస్తున్న ఈ సినిమాకు త్రివిక్రమ్‌ అన్నీ తానై దగ్గరుండి చూసుకుంటున్న విషయం తెలిసిందే. మరి ఈ రెండింటిలో ఏది నిజం, అసల కథ రెడీ అవ్వలేదనే విషయమూ నిజమేనా అనేది తెలియాల్సి ఉంది.
Most Recommended Video
‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!
Home