Akhil Akkineni: డైరెక్టర్ల ఎంపికలో అఖిల్ రూట్ రైటేనా..?

యంగ్ హీరో అఖిల్ ఇప్పటివరకు “అఖిల్”, “హలో”, “మిస్టర్ మజ్ను” సినిమాల్లో నటించగా ఈ మూడు సినిమాలు హిట్ కాకపోవడంతో అఖిల్ ఇప్పటివరకు మిడిల్ రేంజ్ హీరో స్థాయికి ఎదగలేకపోయారు. ఇప్పటివరకు అఖిల్ కెరీర్ లో 30 కోట్ల రూపాయల షేర్ సాధించిన సినిమా ఒక్కటి కూడా లేదు. అఖిల్, పూజా హెగ్డే కాంబినేషన్ లో బొమ్మరిల్లు భాస్కర్ డైరెక్షన్ లో మోస్ట్ ఎలిజిబుల్ బ్యాచిలర్ సినిమా తెరకెక్కగా ఈ సినిమా త్వరలో రిలీజ్ కానుంది.

అఖిల్ ఎదురుచూస్తున్న బ్లాక్ బస్టర్ హిట్ ఈ సినిమాతోనైనా సాధిస్తారో లేదో చూడాల్సి ఉంది. మోస్ట్ ఎలిజిబుల్ బ్యాచిలర్ సినిమాను అల్లు అరవింద్ సమర్పిస్తుండగా బన్నీవాస్ నిర్మిస్తున్నారు. ఈ సినిమా తర్వాత అఖిల్ సురేందర్ రెడ్డి డైరెక్షన్ లో ఏజెంట్ అనే సినిమాలో నటించనున్నారు. అయితే శ్రీనువైట్ల డైరెక్షన్ లో ఒక సినిమాలో నటించడానికి అఖిల్ గ్రీన్ సిగ్నల్ ఇచ్చినట్టు తెలుస్తోంది. మైత్రీ మూవీ మేకర్స్ బ్యానర్ లో ఈ సినిమా తెరకెక్కే అవకాశాలు ఉన్నాయని వార్తలు వసున్నాయి.

ఈ వార్తలో నిజానిజాలు తెలియాల్సి ఉండగా అఖిల్ లేదా శ్రీనువైట్ల స్పందిస్తే మాత్రమే ఈ సినిమాకు సంబంధించి స్పష్టత వచ్చే అవకాశం ఉంది. ప్రస్తుతం శ్రీనువైట్ల విష్ణు హీరోగా డి అండ్ డి సినిమాను తెరకెక్కిస్తున్నారు. ఈ సినిమా హిట్టైతే మాత్రమే శ్రీనువైట్లకు హీరోలు ఛాన్స్ ఇచ్చే అవకాశం అయితే ఉందని చెప్పవచ్చు. అయితే డైరెక్టర్ల ఎంపిక విషయంలో అఖిల్ సరైన దారిలోనే వెళుతున్నారా..? అనే ప్రశ్న నెటిజన్ల నుంచి వ్యక్తమవుతూ ఉండటం గమనార్హం.

Most Recommended Video

తన 19 ఏళ్ళ కెరీర్ లో నితిన్ రిజెక్ట్ చేసిన సినిమాల లిస్ట్..!
వింటేజ్ ఫిల్మ్ ఫేర్ కవర్స్ పై మన తారలు!
టాలీవుడ్లో రీమేక్ అయిన ఈ 9 సినిమాలు..తమిళంలో విజయ్ నటించినవే..!