బాలీవుడ్‌లో అక్షయ్ కుమార్‌ సినిమా అంటే మినిమం గ్యారెంటీ ఉంటుంది. ఎలాంటి సినిమా చేసినా విజయం పక్కా అని అంటుంటారు. దాంతోపాటు ఏటా నాలుగైదు సినిమాలు పక్కగా విడుదల చేస్తుంటారు. కానీ ఇప్పుడు బాలీవుడ్‌ పరిస్థితి ఏం బాలేదు. ఎలాంటి ప్రయత్నం చేసినా బెడిసికొడుతోంది. భారీ చిత్రాలు బెంబేలెత్తుతున్నాయి, చిన్న సినిమాలు చివుక్కుమనిపిస్తున్నాయి. ఈ ఆరు నెలల్లో ముచ్చటగా మూడు హిట్‌లు కూడా లేవు. దీంతో అక్షయ్ అర్జెంట్‌గా హిట్‌ ఇవ్వాలి అంటున్నారు.
పాన్‌ ఇండియా సినిమాల హడావుడి కొనసాగుతున్న సమయంలో ‘నేనున్నా’ అంటూ అక్షయ్ కుమార్‌ ‘సామ్రాట్ పృథ్వీరాజ్‌’తో వచ్చారు. ఆ సినిమా దారుణమైన పరాజయం పాలైంది. భారీ యాక్షన్, నేపథ్యం ఉన్నప్పటికీ బాలీవుడ్‌ని మెప్పించలేదు. దీంతో అక్షయ్ చేస్తున్న సెంటిమెంట్ సినిమా మీద అందరి దృష్టి పడింది. అదే ‘రక్షా బంధన్‌’. ఈ సినిమా ట్రైలర్‌ ఇటీవల విడుదల చేశారు. సినిమా అంతా కామెడీ, సెంటిమెంట్‌తో నింపేశారని ట్రైలర్‌ చూస్తే అర్థమవుతోంది.
ఇదంతా ఓకే కానీ, అక్షయ్ ఇంకా బాలీవుడ్‌ కోరుకుంటున్న భారీ విజయం ఈ సినిమాతో దక్కుతుందా అనేదే తెలియడం లేదు. సినిమా ట్రైలర్‌లో ఎక్కడా బ్లాక్‌బస్టర్‌ కళ కనిపించడం లేదు. సగటు అక్షయ్ సినిమాలా ఉంది అంతే. ఇలాంటి సినిమాతో అక్షయ్… ఆమిర్‌ ఖాన్‌ ‘లాల్‌సింగ్‌ చద్దా’తో పోటీ పడబోతున్నాడు. వారిద్దరి పోటీ సంగతి పక్కన పెడితే ఆగస్టు రెండో వారంలో తెలుగులో చాలా సినిమాలు ఉన్నాయి. కనీసం వాటికైనా పోటీ ఇస్తాడా అనేది సోషల్‌ మీడియాలో చర్చ.
ముందుగా చెప్పినట్లు ఎక్కువ‌గా యాక్షన్ ఎంటర్‌టైనర్లు చేసే అక్షయ్ కుమార్‌.. ఈసారి వినోదం + అనుబంధం అనే కాన్సెప్ట్‌లో వస్తున్నాడు. న‌లుగురు చెల్లెళ్ల‌కు పెళ్లి చేయ‌డం కోసం ఓ అన్న ప‌డే తంటాల నేప‌థ్యంలో సినిమా సాగుతుంది. పెళ్లి కోసం తొంద‌ర‌పెట్టే ప్రియురాలు, ఆమె తండ్రి ఓవైపు.. చెల్లెళ్ల పెళ్లి అయితే త‌ప్ప తాను పెళ్లి చేసుకోన‌ని భీష్మించుకు కూర్చున్న హీరో మరోవైపు. ఇదీ కాన్సెప్ట్‌. తొలుత నవ్విస్తూ సాగే సినిమా ఆఖరకు వచ్చేసరికి కన్నీళ్లు పెట్టిస్తుంది అంటున్నారు. చూద్దాం ‘రక్షా బంధన్‌’ బాలీవుడ్‌కి రక్షగా నిలుస్తుందేమో.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
