నందమూరి బాలకృష్ణ – బోయపాటి శ్రీను కాంబినేషన్ లో సినిమా తెరకెక్కుతోన్న సంగతి తెలిసిందే. సినిమా టైటిల్ ఇంకా అనౌన్స్ చేయలేదు కానీ.. మే 28న సినిమాను విడుదల చేస్తామని చిత్రబృందం ప్రకటించింది. ఈ సినిమాలో బోయపాటి.. బాలయ్యను డిఫరెంట్ షేడ్స్ ఉన్న పాత్రలో చూపించబోతున్నారు. అందులో ఒకటి అఘోరా గెటప్ అని అందరికీ తెలిసిందే. అయితే ముందుగా ఈ ఆలోచన బాలయ్యకి బాగా నచ్చింది. ఆ ఎపిసోడ్ కి సంబంధించిన షూటింగ్ కూడా పూర్తయింది.
కానీ ఇప్పుడు బాలయ్య ఆలోచనలో మార్పులు రావడంతో.. అఘోరా ఎపిసోడ్ కి బదులుగా కొన్ని సీన్లు రాసుకొని.. వాటిని చిత్రీకరించినట్లు తెలుస్తోంది. అయితే ఇప్పుడు అఘోరా ఎపిసోడ్ ని ఏం చేయాలనే విషయంలో బోయపాటి ఓ నిర్ణయానికి రాలేకపోతున్నారు. ఈ ఎపిసోడ్ ని భారీ ఖర్చుతో తెరకెక్కించారు. ఆరు నిమిషాల పాటు సాగే ఈ ఎపిసోడ్ ని బోయపాటి ఎంతో ఇష్టంగా షూట్ చేశారు. ఇప్పుడు దాన్ని పూర్తిగా పక్కన పెట్టేయడం బోయపాటికి ఇష్టం లేదు. బాలయ్యని అఘోరా గెటప్ లో చూపించాలని బోయపాటి ఆరాటపడుతున్నారు.
ఆ పాత్ర కోసం టీమ్ కూడా చాలా కష్టపడింది. అలాంటిది ఇప్పుడు పూర్తిగా సినిమా నుండి ఆ ఎపిసోడ్ నితీయాలనుకోవడం బోయపాటికి నచ్చడం లేదట. కనీసం ఎండ్ టైటిల్స్ పడుతున్నప్పుడు ఆ సన్నివేశాలను చూపించాలని బోయపాటి భావిస్తున్నాడట. కానీ దీనికి బాలయ్య పర్మిషన్ కావాలి. అఘోరా గెటప్ తో బాలయ్య ఏమాత్రం సంతృప్తి చెందకపోవడంతో.. ఈ ఎపిసోడ్ ని పక్కన పెట్టాలని చెప్పారు. అలాంటిది ఇప్పుడు బోయపాటి రిక్వెస్ట్ చేస్తే బాలయ్య ఒప్పుకుంటారా..? లేదా..? అనేది చూడాలి!
Most Recommended Video
రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
Home