రామ్, పూరీ జగన్నాథ్ కలయికలో ‘ఇస్మార్ట్ శంకర్’ అనే చిత్రం వచ్చింది. ఈ సినిమా పూరికి మంచి సక్సెస్ అందించింది. రామ్ కి అయితే మాస్ ఇమేజ్ ను తెచ్చిపెట్టింది. అంతేకాదు పూరి అప్పుల్లో కూరుకుపోయి ఉంటే.. ఈ సినిమా అతని అప్పులన్నీ తీర్చేసింది. ఇప్పుడు ఆ చిత్రానికి సీక్వెల్ కూడా రాబోతుంది. ‘డబుల్ ఇస్మార్ట్’ పేరుతో రూపొందనున్న ఈ చిత్రం నిన్న పూజా కార్యక్రమాలతో ఘనంగా ప్రారంభమైంది. ‘డబుల్ ఎంటర్‌టైన్‌మెంట్! డబుల్ యాక్షన్! డబల్ మ్యాడ్‌నెస్!’ చిత్ర బృందం ఈ ప్రాజెక్టు గురించి రాసుకొచ్చింది.
పూరి, ఛార్మి లే ఈ చిత్రాన్ని (Double iSmart) నిర్మిస్తున్నారు. జూలై 12 నుండీ రెగ్యులర్ షూటింగ్ ప్రారంభం కానుంది. అంతా బాగానే ఉంది కానీ ఈ ప్రాజెక్టు గురించి అందరిలోనూ ఓ అనుమానం ఉంది. అదేంటంటే.. పూరి జగన్నాథ్ గత చిత్రం ‘లైగర్’ పెద్ద ప్లాప్ అయ్యింది. ఈ సినిమా నష్టాల గురించి డిస్ట్రిబ్యూటర్స్ రోడ్డుకెక్కిన సంగతి తెలిసిందే. పూరి ఇంటి ముందు నిరసనకి దిగుతాం అంటూ కూడా కొంతమంది అతనికి లెటర్స్ రాసారు. ఫోన్లు ఎత్తడం లేదు అనే కామెంట్లు కూడా వినిపించాయి.
‘లైగర్’ నాన్ థియేట్రికల్ రైట్స్ రూపంలో వచ్చే కొంత అమౌంట్ ను నష్టపరిహారంగా ఇస్తానని పూరి చెప్పాడు. అయితే ‘డబుల్ ఇస్మార్ట్’ కూడా కొంత నష్టాలను తీర్చాల్సి ఉంది అనేది ఇన్సైడ్ టాక్. హిట్ సినిమాకి సీక్వెల్ అంటే బిజినెస్ బాగా జరుగుతుంది. కాబట్టి.. డిస్ట్రిబ్యూటర్ల గొడవ తీరిపోతుంది. కానీ ఈ సీక్వెల్ హిట్ అయితేనే పూరికి, ఛార్మికి కొన్ని డబ్బులు మిగుల్తాయి. లేదంటే మొత్తం ఫ్రీగా చేస్తున్నట్టే అనుకోవాలి.
‘జవాన్’ ట్రైలర్ పై ట్రెండ్ అవుతున్న 15 మీమ్స్!
ఇప్పటికీ రిలీజ్ కి నోచుకోని 10 క్రేజీ సినిమాల లిస్ట్..!
ఈ వీకెండ్ కి ధియేటర్/ఓటీటీలో రిలీజ్ కాబోతున్న 15 సినిమాలు/ సిరీస్ ల లిస్ట్..!
