ఇండియన్‌ సినిమాలో లేటెస్ట్‌ సెన్సేషన్స్‌లో ఒకటైన ‘యానిమల్‌’ వచ్చి నెల రోజులు అవ్వడానికి మరో వారమే ఉంది. దీంతో మరోసారి సినిమా టీమ్‌ ఎడిటింగ్‌ టేబుల్‌ మీద కూర్చుంది అని అంటున్నారు. ఇప్పుడెందుకు సినిమాలో మార్పులు చేసేదానికి ఏముంటుంది అనుకుంటున్నారా? థియేటర్లలో చూసిన జనాలకు అంతకుమించి ఇచ్చే పరిస్థితి లేదు.. అందకే ఓటీటీ జనాల కోసం ఎక్స్ట్‌ ‘యానిమల్‌’ను తీసుకొస్తారు అని చెబుతున్నారు. ఈ మేరకు అదనపు సీన్ల జోడింపు ఉంటుంది అంటున్నారు.
ఎప్పటిలాగే థియేట్రికల్ వెర్షన్ కోసం రాజీ పడిన దర్శకుడు సందీప్‌ రెడ్డి వంగా ఓటీటీ కోసం తగ్గేదేలే అంటున్నారు. నెట్ ఫ్లిక్స్‌లో ఈ సినిమా త్వరలో స్ట్రీమ్‌ అవనున్న విషయం తెలిసిందే. అందుకే అన్ కట్ సీన్స్‌ను ఇప్పుడు సినిమాలో యాడ్‌ చేసే పనిలో ఉన్నారు అని అంటున్నారు. థియేట్రికల్ వెర్షన్‌లో తీసేసిన కొన్ని ఆసక్తికర సన్నివేశాలను ఇప్పుడు ఓటీటీ కోసం యాడ్‌ చేస్తారట. అయితే గతంలో చెప్పిన్నట్లు మిగిలిన 39 నిమిషాల సినిమాను ఇందులో యాడ్‌ చేయరట.
సెన్సార్ ఇబ్బందులు లేవు అనుకున్న సన్నివేశాలు మాత్రమే ఇప్పుడు సినిమాలో యాడ్‌ చేస్తారట. ఎందుకంటే ఈ సినిమా ఓటీటీ హక్కులను కొనుగోలు చేసిన నెట్‌ఫ్లిక్స్‌ స్ట్రీమింగ్‌ విషయంలో కీలక నిర్ణయం తీసుకుంది అని చెబుతున్నారు. సెన్సార్ అప్రూవ్ చేసిన థియేటర్ వెర్షన్‌ను మాత్రమే ఓటీటీలో చూపించాలని నెట్‌ఫ్లిక్స్‌ నిర్ణయం తీసుకుందట. ఈ మేరకు సెన్సార్ ఇబ్బందులు లేని సీన్సే యాడ్‌ చేయాలని నిర్ణయం తీసుకున్నారట. అదే పని ఇప్పుడు జరుగుతోంది అని చెబుతున్నారు.
అయిఇతే ‘యానిమల్‌’ సినిమా అభిమానులకు ఇది పెద్ద నిరాశే అని చెప్పాలి. ఎందుకంటే సినిమా టీమ్‌లో కొంతమంది ఇప్పటికే ఆ డిలీటెడ్‌ సీన్ల గురించి భారీ హైప్‌ ఇచ్చారు. రణ్‌బీర్‌ కపూర్‌, బాబీ డియోల్ ఇలా చాలామంది ‘ఆ సీన్స్‌ కూడా ఉండుంటేనా? అదిరిపోయేది’ అని చెప్పారు. కానీ ఏం చేస్తాం ఆ సీన్స్‌ ఓటీటీలో రావు. మరి యూట్యూబ్‌లో అయినా ఇస్తారేమో చూడాలి.
సలార్ సినిమా రివ్యూ & రేటింగ్!
డంకీ సినిమా రివ్యూ & రేటింగ్!
‘బిల్లా- రంగా’ టు ‘సలార్’… ఫ్రెండ్షిప్ బ్యాక్ డ్రాప్లో రూపొందిన 10 సినిమాల లిస్ట్..!
