ఎన్టీఆర్ రాజమౌళి కారణంగా రెండేళ్లు వెండితెరకు దూరమయ్యారు. ఎన్టీఆర్ అరవింద సమేత మూవీ తరువాత మరో సినిమా విడుదల చేయలేదు. తన సమయం మొత్తం ఆర్ ఆర్ ఆర్ కే కేటాయించడం జరిగింది. సరే లేటైనా రాజమౌళి సినిమా కాబట్టి అందులోను పాన్ ఇండియా మూవీ నేపథ్యంలో వారు సహనంగా ఎదురు చూస్తున్నారు. ఆర్ ఆర్ ఆర్ విడుదలకు మరో 8 నెలల సమయం ఉంది. ఐతే ఈలోపు ఎన్టీఆర్ ఫస్ట్ లుక్ వీడియో మరియు ఆర్ ఆర్ ఆర్ టీజర్స్ మరియు ట్రైలర్స్ తో ఎంజాయ్ చేయాలని చూస్తున్నారు.
ముఖ్యంగా ఈనెల 20న ఎన్టీఆర్ పుట్టిన రోజు కానుకగా రాజమౌళి విడుదల చేయనున్న ఫస్ట్ లుక్ వీడియో కోసం ఫ్యాన్స్ భారీ ఆశలు పెట్టుకొన్నారు. ఐతే ఎన్టీఆర్ ఫ్యాన్స్ కి నిరాశ తప్పదని అంటున్నారు. రాజమౌళి ఎన్టీఆర్ విషయంలో ఫస్ట్ లుక్ విషయంలో కేవలం పోస్టర్ తో సరిపెట్టనున్నాడు అనే వార్త గట్టిగా వినిపిస్తుంది. ఇదివరకే రాజమౌళి ఎన్టీఆర్ ఫస్ట్ లుక్ వీడియో కోసం తగిన మెటీరియల్ తన వద్ద లేదు. లాక్ డౌన్ కారణంగా షూటింగ్ జరిపే పరిస్థితి లేదు అన్నారు.
దీనితో ఎన్టీఆర్ పుట్టిన రోజున కేవలం ఫస్ట్ లుక్ పోస్టర్ మాత్రమే వస్తుంది, వీడియో రాదు అని వస్తున్న పుకార్లకు బలం చేకూర్చినట్టు అయ్యింది. రాజమౌళి ఆర్ ఆర్ ఆర్ లో అల్లూరి సీతారామరాజుగా చేస్తున్న చరణ్ ఫస్ట్ లుక్ వీడియోని ఓ రేంజ్ లో చూపించి, ఎన్టీఆర్ కి కేవలం పోస్టర్ తో సరిపెడితే ఆయన ఫ్యాన్స్ ఊరుకుంటారా అనేది ఆసక్తికరంగా మారింది . ఒకవేళ ప్రచారం జరుగుతున్నట్లుగా మే 20 న ఎన్టీఆర్ ఫస్ట్ లుక్ వీడియోతో సరిపెడితే రాజమౌళి ఎన్టీఆర్ ఫ్యాన్స్ ఆగ్రహానికి గురికావడం ఖాయం.
Most Recommended Video
అమృతారామమ్ సినిమా రివ్యూ & రేటింగ్!
‘బాహుబలి’ ని ముందుగా ప్రభాస్ కోసం అనుకోలేదట…!
తండ్రికి తగ్గ తనయలు అనిపిస్తున్న డైరెక్టర్స్ కూతుళ్లు
