తెలుగులో కాలా కలెక్షన్స్ కు గండి కొట్టిన జురాసిక్ వరల్డ్

రజనీకాంత్ సినిమా రిలీజావుతుందంటే.. వారం రోజుల ముందు నుంచే థియేటర్ల ముందు పండగ వాతావరణం ఏర్పడేది.. కానీ విచిత్రంగా “కాలా” విషయంలో కనీస స్థాయి బజ్ కూడా క్రియేట్ అవ్వలేదు. ఇక నిన్న సినిమా విడుదలయ్యాక మొదటి ఆట నుంచే మిక్స్డ్ టాక్ రావడంతో రజనీ సినిమాకి రావాల్సిన మినిమం ఓపెనింగ్స్ కూడా సినిమాకి రాలేదు. ఒక్క ప్రీరిలీజ్ ఈవెంట్ కి తప్ప రజనీ సినిమా ప్రమోషన్స్ లో పెద్దగా పార్టీశీపేట్ చేయకపోవడం, తమిళ వాసన మరీ ఎక్కువగా ఉండడంతో “కాలా” చిత్రాన్ని మన తెలుగు ప్రేక్షకులు ఆదరించలేకపోయారు.

అయితే.. ఇక్కడ గమనించాల్సిన విషయం ఏంటంటే నిన్న “కాలా”తో పాటుగా విడుదలైన “జూరాసిక్ పార్క్ ఫాలెన్ కింగ్ డమ్” తెలుగు రాష్ట్రాల్లో “కాలా” కంటే ఎక్కువ కలెక్ట్ చేసింది. ఈ విషయం రజనీ అభిమానుల్ని తీవ్రంగా బాధపెట్టింది. కనీసం సగానికిపైగా తెలుగు ప్రేక్షకులకు పరిచయం లేని ఒక హాలీవుడ్ సినిమా కలెక్షన్స్ పరంగా రజనీకాంత్ సినిమాని బీట్ చేయడాన్ని ఆయన అభిమానులు మాత్రమే కాదు “కాలా” డిస్ట్రిబ్యూటర్లు కూడా దిగమింగుకోలేకపోతున్నారు.