అండర్‌ వరల్డ్‌ మీద సినిమాలు చూసుంటారు.. సైబర్‌ క్రైమ్‌పై సినిమాలు చూసుంటారు. ఈ సినిమాలు అన్నింటిలోనూ హీరో – విలన్‌ మన దేశంలోనే ఉంటారు. లేదంటే విలన్‌ విదేశాల్లో ఉంటాడు. కానీ మన దేశానికి చెందిన వ్యక్తులు.. మరో దేశానికి వెళ్లి అక్కడ క్రైమ్‌ చేసి.. దొరకకకుండా తిరిగి మన దేశానికి వచ్చేశారు అంటే నమ్మగలరా. అలాంటి కథతోనే రూపొందిన చిత్రం ‘మోసగాళ్లు’. త్వరలో విడుదల కానున్న ఈ సినిమా గురించి మంచు విష్ణు ఆసక్తికరమైన విషయాన్ని బయటపెట్టాడు. త్వరలో దీనిపై ఫుల్‌ క్లారిటీ ఇస్తానంటున్నాడు.
‘మోసగాళ్లు’ సినిమా ప్రచారం కోసం మంచు విష్ణు, నవదీప్‌ తెలుగు రాష్ట్రాలను చుట్టేస్తున్నారు. సినిమా పది నిమిషాల ఫుటేజ్‌ను ఇటీవల విశాఖపట్నంలో ప్రదర్శించారు. ఇప్పుడు హైదరాబాద్‌లో కూడా ప్రదర్శించారు. ఈ క్రమంలో విష్ణు మాట్లాడుతూ ‘‘అక్కా తమ్ముళ్లు కలిసి చేసిన ఓ నేరం మా చిత్రం. ఈ నేరం వాళ్లు ఎందుకు చేశారనేది, ఇంత పెద్ద నేరం జరిగినా అమెరికన్స్‌ వీళ్లని ఎందుకు పట్టుకోలేకపోయారనేది ఆసక్తికరమైన అంశం. ఇంకో విషయం ఏంటంటే ఆ అక్కా తమ్ముళ్లు ఇప్పుడు ముంబయిలోనే ఉన్నారు’’ అని చెప్పుకొచ్చాడు విష్ణు.
అయితే విష్ణు అక్కడితో ఆగకుండా ‘‘ఈ సినిమా చిత్రీకరణ సమయంలో ఈ నేరానికి సంబంధించిన కొంతమంది వ్యక్తులు నాకు ఫోన్‌ చేశారు. ఆ ఆడియోను త్వరలో బయటపెడతా’’ అని చెప్పుకొచ్చాడు. దీంతో విష్ణు మాటల మీద ఆసక్తి నెలకొంది. అసలు ఎవరు వాళ్లు, మీడియాకు పెద్దగా తెలియని ఆ వ్యక్తులు విష్ణుకు ఫోన్‌ చేసి ఏం మాట్లాడారు అని నెటిజన్లు తెగ బుర్రలు గోక్కుంటున్నారు. విష్ణు, కాజల్‌ అక్కాతమ్ముళ్లుగా నటించిన ఈ చిత్రానికి జెప్రీ గీ చిన్‌ దర్శకుడు. ఈ నెల 19న చిత్రాన్ని ప్రేక్షకుల ముందుకు తీసుకొస్తున్నారు.
Most Recommended Video
శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!
Home