నేచురల్ స్టార్ నాని ప్రస్తుతం ‘గ్యాంగ్ లీడర్’ చిత్రంతో బిజీగా ఉన్నాడు. ఇది నానికి 24 వ చిత్రం. ఇక దీని తరువాత తన 25వ చిత్రాన్నిఇంద్రగంటి మోహన కృష్ణ డైరెక్షన్లో చేయబోతున్నాడు. ‘వి’ అనే టైటిల్ తో తెరకెక్కుతున్న ఈ చిత్రంలో సుధీర్ బాబు కూడా మరో హీరోగా నటిస్తున్నాడు. నాని నుండీ రాబోతున్న ఈ రెండు చిత్రాల పై భారీ అంచనాలు నెలకొన్నాయి. అయితే ఇప్పుడు నాని వెంట ఓ ప్లాప్ డైరెక్టర్ పడుతున్నాడట. కచ్చితంగా నానికి కథ చెప్పి ప్రాజెక్ట్ ఓకే చేయించుకోవడానికి ప్రయత్నాలు మొదలు పెట్టాడట.
‘అందాల రాక్షసి’ చిత్రంతో మంచి డైరెక్టర్ గా పేరు తెచ్చుకున్నాడు హను రాఘవపూడి. ఆ తరువాత నానితో ‘కృష్ణగాడి వీర ప్రేమగాధ’ అనే చిత్రాన్ని తెరకెక్కించి మంచి విజయాన్ని అందుకున్నాడు. అయితే ఆ తరువాత వచ్చిన ‘లై’ ‘పడి పడి లేచె మనసు’ చిత్రాలు డిజాస్టర్లుకావడంతో ఈ డైరెక్టర్ తో వర్క్ చేయడానికి హీరోలు ఇంట్రెస్ట్ చూపించడం లేదు. అయినప్పటికీ హను గట్టి ప్రయత్నాలే చేస్తున్నాడు. ఈ క్రమంలో నాని కోసం ఓ కథని సిద్ధం చేసుకున్నాడట. త్వరలోనే నానిని కలిసి కథ చెప్పాలని విశ్వప్రయత్నాలు చేస్తున్నాడట. మరి నాని ఈ కథని ఓకే చేస్తాడో లేదో చూడాలి.
