Aditya 999: బాలయ్య డ్రీమ్‌ ప్రాజెక్ట్‌ చేతులు మారుతోందా? ఆయన వదిలేస్తారా?

కొన్ని సినిమాలు కొంతమంది దర్శకులు మాత్రమే చేయగలరు అంటారు. అందుకే అలాంటి కథలు ఎక్కడైనా ఉన్నాయి అన్నా, అలాంటి పాత్రలను ఎవరైనా హీరో చేయాలనుకున్నా ఆ దర్శకుడి పేరే వినిపిస్తూ ఉంటుంది. గత కొన్నేళ్లుగా టాలీవుడ్‌లో కూడా ఇదే పరిస్థితి చూస్తూ ఉన్నాం. అయితే ఒక్కోసారి అమాంతం కొంతమంది దర్శకులు ముందుకొస్తుంటారు. దీంతో ఆ సత్తా ఉన్న మరో దర్శకుడు వచ్చాడు అని టాలీవుడ్‌ జనాలు మాట్లాడుకుంటూ ఉంటారు. ఇప్పుడు అలాంటి దర్శకుడు ప్రశాంత్‌ వర్మ అని అంటున్నారు.

ఇక అలాంటి టాపిక్‌ / కథ ‘ఆదిత్య 999’ అని అంటున్నారు నెటిజన్లు. నందమూరి బాలకృష్ణ కెరీర్‌లోనే బెస్ట్ అని చెప్పుకునే సినిమాల లిస్ట్‌లో ‘ఆదిత్య 369’ కచ్చితంగా ఉంటుంది. ఆ సినిమాకు సీక్వెలే ఈ ‘ఆదిత్య 999’. చాలా ఏళ్లుగా ఈ సినిమా గురించి వింటూనే ఉన్నాం. నిజానికి బాల‌కృష్ణ ద‌గ్గ‌ర ‘ఆదిత్య 999’ సినిమా క‌థ సిద్ధంగా ఉంది. బాల‌య్య వందో సినిమాగా ఈ ప్రాజెక్టే ఉంటుంది అని అన్నారు కూడా. కానీ కుదర్లేదు.

అప్పట్లో ఈ సినిమాకు బాలయ్యే స్వయంగా ఈ సినిమాకు ద‌ర్శ‌క‌త్వం వహిస్తారని చెప్పారు కూడా. అయితే ఆయన డ్రాప్‌ అయ్యారు అని వార్తలొచ్చాయి. ఈ క్రమంలో మరికొంతమంది దర్శకుల పేర్లు కూడా వినిపించాయి. కానీ అవేం కుద‌ర్లేదు. ఏమైందో ఏమో ఆ సినిమా పట్టాలెక్కలేదు. త‌ర‌వాత‌ కొత్త క‌థ‌లు, కొత్త ద‌ర్శ‌కులతో బాలయ్య వరుస సినిమాలు చేస్తూ వస్తున్నారు. అయితే ఎప్ప‌టికైనా ఆ క‌థ తీయాల‌న్న‌ది బాల‌య్య ఆశ‌ అంటారు. స‌రైన ద‌ర్శ‌కుడి కోసమే చూస్తున్నారని టాక్‌.

అయితే, ఆ దర్శకుడు ప్రశాంత్‌ వర్మనే అంటున్నారు నెటిజన్లు. ‘హను – మాన్‌’ సినిమానుప్రశాంత్‌ హ్యాండిల్‌ చేసిన విధానం, కథను చెప్పిన తీరు, సినిమాను చూపించిన తీరుకు అందరూ ఫిదా అయిపోయారు. ఇప్పుడు ఆయన చేతిలో ‘ఆదిత్య999’ పెడితే అదరగొట్టేస్తాడు అని అంటున్నారు. మరోవైపు ప్రశాంత్‌ కూడా బాలయ్యతో పని చేయాలని చాలా రోజులుగా అనుకుంటున్నారు. ఈ నేపథ్యంలో ఆ కాంబో (Aditya 999) ‘ఆదిత్య 999’తో కుదరాలి అనేది నెటిజన్ల కోరిక.

‘గుంటూరు కారం’ లో ఆకట్టుకునే డైలాగులు ఇవే.!

‘గుంటూరు కారం’ తో పాటు సంక్రాంతి సీజన్ వల్ల సేఫ్ అయిన 10 సినిమాల లిస్ట్.!
2023లో అభినయంతో ఆకట్టుకున్న అందాల భామలు.!