స్టార్ డమ్ తోపాటు సక్సెస్ ఉంటే తప్ప ఇండస్ట్రీలో మర్యాద లభించదు అనే విషయం అందరికీ తెలిసిందే. అయితే.. తాజాగా అఖిల్ విషయంలో అది ఇంకోసారి స్పష్టమైంది. “అఖిల్. హలో” చిత్రాల పరాజయాల అనంతరం “తొలిప్రేమ”తో సూపర్ హిట్ సొంతం చేసుకొన్న వెంకీ అట్లూరి దర్శకత్వంలో నటించేందుకు రంగం సిద్ధం చేసుకొంటున్న అఖిల్ ఈ చిత్రంలో కథానాయికగా “ఛలో”తో సూపర్ హిట్ అందుకొన్న రష్మికను ఫైనల్ చేయాలనుకొన్నారు. సంప్రదించినప్పుడు సరేనని చెప్పిన అమ్మడు.. ఇప్పుడు అగ్రిమెంట్ కి వచ్చేసరికి ఇప్పుడప్పుడే ఖాళీ లేను అని చెప్పేసిందట.
నిజానికి రష్మిక ప్రస్తుతం తెలుగులో విజయ్ దేవరకొండ హీరోగా పరశురామ్ దర్శకత్వంలో తెరకెక్కుతున్న చిత్రంలో కథానాయికగా నటిస్తోంది. ఈ సినిమా అనంతరం మళ్ళీ విజయ్ దేవరకొండతోనే భరత్ కమ్మ దర్శకత్వంళో తెరకెక్కనున్న చిత్రంలో నటించనుంది. ఈ రెండు సినిమాలు పూర్తయ్యేసరికి కనీసం నాలుగైదు నెలలు పడుతుంది. అప్పటివరకూ అఖిల్ బృందం ఆగడం అనేది ప్రశ్నార్ధకం. అలాగే.. రిలీజ్ టైమ్ లో షూటింగ్ ఉంటే ప్రమోషన్స్ కి ఇబ్బందికరంగా ఉంటుంది. సో, ఇప్పుడు అఖిల్ బృందం రష్మిక కోసం వెయిట్ చేయాలా లేక మరో ఆప్షన్ చూసుకోవాలా అనే ఆలోచనలో ఉన్నారు.
