ఒక్కోసారి ఇండస్ట్రీ మొత్తం కొన్ని సినిమాలు హిట్ అవ్వాలని కోరుకుంటుంది. ప్రస్తుతం అలా అందరూ హిట్ అవ్వాలని కోరుకుంటున్న సినిమా “చిత్రలహరి”. “ఉన్నది ఒకటే జిందగీ” లాంటి ఫ్లాప్ తర్వాత కిషోర్ తిరుమల తెరకెక్కించిన చిత్రమిది, ఏకంగా ఆరు ఫ్లాపుల తర్వాత సాయిధరమ్ తేజ్ నటించిన సినిమా ఇది, “అమర్ అక్బర్ ఆంటోనీ” లాంటి డిజాస్టర్ అనంతరం మైత్రీ మూవీ మేకర్స్ నిర్మించిన సినిమా కూడా ఇదే కావడం గమనార్హం. ఇంతమంది ఫెయిల్యూర్స్ కలిసి నటిస్తున్న ఈ చిత్రం సక్సెస్ కావాలని అందరూ కోరుకుంటున్నారు.
సాయిధరమ్ తేజ్ కి అదృష్టం కూడా కలిసి వచ్చినట్లుంది. అందుకే ఈవారం టాలీవుడ్ నుంచి మాత్రమే కాదు బాలీవుడ్, కోలీవుడ్, హాలీవుడ్ నుంచి కూడా తేజ్ కి పోటీగా ఎవరూ నిలవలేదు. సో, సాయిధరమ్ తేజ్ ఈ సోలో రిలీజ్ ను సరిగా వినియోగించుకోగలిగితే సాయిధరమ్ తేజ్ ఒక డీసెంట్ హిట్ మాత్రమే కాదు సూపర్ హిట్ కొట్టడం అనేది పెద్ద కష్టమైన పనేమీ కాదు. మరి తేజ్ బాబు ఏం చేస్తాడో చూడాలి.
