Yash: ఆ సెంటిమెంట్ ను యశ్ బ్రేక్ చేయగలరా?

కేజీఎఫ్ ఛాప్టర్1, కేజీఎఫ్ ఛాప్టర్2 సినిమాలలో హీరోగా నటించడం ద్వారా ఆ సినిమాల విజయాలతో ఓవర్ నైట్ లో యశ్ స్టార్ డమ్ ను అందుకున్నారు. కేజీఎఫ్2 సినిమా ఈ ఏడాది బుక్ మై షో యాప్ లో ఎక్కువ టికెట్లు అమ్ముడైన సినిమాగా నిలిచిందంటే ఈ సినిమా విజయం స్థాయి సులువుగానే అర్థమవుతుంది. 100 కోట్ల రూపాయల బడ్జెట్ తో తెరకెక్కిన కేజీఎఫ్ ఛాప్టర్2 1200 కోట్ల రూపాయలకు పైగా కలెక్షన్లను అందుకుంది.

కేజీఎఫ్1, కేజీఎఫ్2 సినిమాలతో ప్రశాంత్ నీల్ వెండితెరపై అద్భుతం చేశారని కామెంట్లు వ్యక్తమవుతున్నాయి. ఈ సినిమా సక్సెస్ గురించి మరో పదేళ్ల పాటు మాట్లాడుకోవడం గ్యారంటీ అని ఇండస్ట్రీ వర్గాల్లో వినిపిస్తోంది. ఈ సినిమాలోని అద్భుతమైన స్క్రీన్ ప్లేను, యాక్షన్ సన్నివేశాలను చూసి పలువురు డైరెక్టర్లు తమ సినిమాల స్క్రిప్ట్ లను మార్చేశారంటే ఈ సినిమా ఏ స్థాయిలో ప్రభావం చూపిందో సులువుగా అర్థమవుతుంది.

కేజీఎఫ్2 తర్వాత ఎంతోమంది దర్శకులు కథలు చెప్పినా కొత్త ప్రాజెక్ట్ లను ప్రకటించని యశ్ త్వరలో ఫ్యాన్స్ కు శుభవార్త చెప్పనున్నారు. జనవరి నెల 8వ తేదీన యశ్ కొత్త సినిమాకు సంబంధించిన ప్రకటన రానుందని సమాచారం అందుతోంది. యశ్ ఏ స్టార్ డైరెక్టర్ డైరెక్షన్ లో నటించనున్నారో తెలియాల్సి ఉంది. యశ్ రాబోయే రోజుల్లో కూడా భారీ బడ్జెట్ సినిమాల్లోనే నటించనున్నారని తెలుస్తోంది. యశ్ రెమ్యునరేషన్ ప్రస్తుతం 100 కోట్ల రూపాయలకు అటూఇటుగా ఉంది.

అయితే యశ్ మాత్రం తనకు పారితోషికం కంటే మంచి కథలే ముఖ్యమని భావిస్తున్నారు. టాలీవుడ్ స్టార్ హీరోలతో యశ్ మల్టీస్టారర్స్ లో నటించాలని కొంతమంది ఫ్యాన్స్ భావిస్తున్నారు. సరైన ప్రాజెక్ట్ లను ఎంచుకుంటే యశ్ రేంజ్ మరింత పెరుగుతుందని ఫ్యాన్స్ చెబుతున్నారు. యశ్ మనస్సులో ఏముందో తెలియాలంటే మరికొన్ని రోజులు ఆగాల్సిందే. సాధారణంగా ఇండస్ట్రీ హిట్ సాధించిన హీరో తర్వాత మూవీ ఫ్లాప్ అవుతుందని సెంటిమెంట్ ఉంది. ఆ సెంటిమెంట్ ను యశ్ బ్రేక్ చేస్తారో లేదో చూడాల్సి ఉంది.

అవతార్: ద వే ఆఫ్ వాటర్ సినిమా రివ్యూ& రేటింగ్!
2022లో రీ రిలీజ్ అయిన సినిమాలు ఏవో తెలుసా?

2022లో ప్రపంచ బాక్సాఫీస్‌ని షేక్ చేసిన 12 సాలిడ్ సీన్స్ ఏవో తెలుసా..!
డిజె టిల్లు టు కాంతార….ఈ ఏడాది వచ్చిన సినిమాల్లో వీకెండ్ కే బ్రేక్ ఈవెన్ సాధించిన 10 సినిమాలు ఇవే!