Balakrishna: బాలకృష్ణ ఇంటి వద్ద పెద్ద రోడ్డు ప్రమాదం..జీపుతో ఢీ కొట్టిన యువతి!

May 18, 2022 / 05:19 PM ISTByFilmy Focus

Join Us

Balakrishna: బాలకృష్ణ ఇంటి వద్ద పెద్ద రోడ్డు ప్రమాదం..జీపుతో ఢీ కొట్టిన యువతి!

నందమూరి బాలకృష్ణ ఇంటి వద్ద మంగళవారం సాయంత్రం నాడు రోడ్డు ప్రమాదం చోటు చేసుకుంది. హైదరాబాద్‌లోని జూబ్లిహిల్స్‌ రోడ్డు నెంబర్‌ 45 వద్ద ఉన్న బాలయ్య ఇంటివైపుగా ఓ జీపు దూసుకొచ్చి బాలయ్య బాబు ఇంటి గేటుని ఢీకొట్టబోయి పక్కనే ఉన్న ఆయన ఇంటి గోడని, ఫెన్సింగ్, చెట్లని ఢీ కొట్టడం హాట్ టాపిక్ అయ్యింది. సరిగ్గా బాలకృష్ణ ఇంటి గేటు వద్ద ఆ జీపు ఆగిపోయిందట. ఈ జీపుని ఓ యువతి డ్రైవ్ చేసింది.

ఆమె కావాలనే ఢీ కొట్టిందేమో అనుకుని చాలా మంది జనాలు అక్కడ గుమికూడారు. దాంతో ట్రాఫిక్ జామ్ అయ్యింది. ఈ విషయం తెలుసుకున్న ట్రాఫిక్ పోలీసులు బాలయ్య ఇంటి వద్దకి చేరుకొని ముందుగా ట్రాఫిక్ ను క్లియర్ చేశారు. అనంతరం ఆ యాక్సిడెంట్ చేసిన యువతిని ఆరా తీశారు. అందుకు ఆ యువతి యాంబులెన్స్ కు దారి ఇవ్వబోయి అదుపు తప్పి బాలకృష్ణ ఇంటి గోడని ఢీ కొట్టినట్టు ఆమె చెప్పుకొచ్చింది.

ఆ జీపులో ఉన్న అమ్మాయికి కూడా స్వల్ప గాయాలు అయ్యాయి. అలాగే జీపు ముందు భాగం నుజ్జు నుజ్జు అయ్యింది. తర్వాత ఆ యాక్సిడెంట్ చేసిన అమ్మాయి వివరాలు, ఐడి ప్రూఫ్ లు తీసుకుని పంపించేశారు. ఆ టైంలో బాలకృష్ణ ఇంట్లో లేరని వినికిడి. ప్రస్తుతం ఆయన గోపీచంద్ మలినేని దర్శకత్వంలో చేస్తున్న సినిమా షూటింగ్లో బిజీగా గడుపుతున్నారు. మైత్రి మూవీ మేకర్స్ వారు నిర్మిస్తున్న ఈ చిత్రం షూటింగ్ ప్రస్తుతం హైదరాబాద్లో జరుగుతుంది.