విజయ్ దేవరకొండ ఈ ఏడాది ‘డియర్ కామ్రేడ్’ చిత్రంతో ప్రేక్షకుల ముందుకు వచ్చాడు. అయితే ఈ చిత్రం డిజాస్టర్ గా నిలిచింది. గతంలో విజయ్, రష్మిక కాంబినేషన్లో వచ్చిన ‘గీత గోవిందం’ చిత్రం బ్లాక్ బస్టర్ కావడంతో ‘డియర్ కామ్రేడ్’ పై అంచనాలు పెరిగాయి. అయితే ఆ అంచనాలని ‘డియర్ కామ్రేడ్’ అందుకోలేకపోయింది. అయితే ఈసారి ఎలాగైనా హిట్ కొట్టాలనే కసితో ‘వరల్డ్ ఫేమస్ లవర్’ అనే సినిమా చేస్తున్నాడు విజయ్ దేవరకొండ. ‘మళ్ళీ మళ్ళీ ఇది రాని రోజు’ ఫేమ్ క్రాంతి మాధవ్ ఈ చిత్రానికి దర్శకుడు.
రాశి ఖన్నా, ఐశ్వర్య రాజేష్, క్యాథరిన్, ఇసబెల్లా వంటి నలుగురు భామలు ఈ చిత్రంలో హీరోయిన్లుగా నటిస్తున్నారు. 2020 ఫిబ్రవరి లో ఈ చిత్రాన్ని విడుదల చేయడానికి ప్లాన్ చేస్తున్నారు. ఇక ఈ చిత్రం బిజినెస్ అప్పుడే మొదలైపోయిందట. ‘వరల్డ్ ఫేమస్ లవర్’ ఆంధ్రా హక్కులు హాట్ కేకుల్లా అమ్ముడుపోయాయని సమాచారం. ఈ చిత్రం ఆంధ్రా హక్కులని ప్రముఖ నిర్మాత ‘అభిషేక్ పిక్చర్స్’ అధినేత అభిషేక్ నామా దక్కించుకున్నారని తెలుస్తుంది. విజయ్ దేవరకొండ కు యూత్ లో గల క్రేజ్ ను దృష్టిలో పెట్టుకుని డిస్ట్రిబ్యూటర్లు ఈ చిత్రం కోసం ఎగబడుతున్నట్టు తెలుస్తుంది.
అర్జున్ సురవరం సినిమా రివ్యూ & రేటింగ్!
రాజా వారు రాణి గారు సినిమా రివ్యూ & రేటింగ్!
