Nagarjuna: రైటర్ కి ఛాన్స్ ఇస్తోన్న నాగార్జున!

సీనియర్ హీరో నాగార్జున వరుస సినిమాలను లైన్ లో పెడుతున్నారు. సినిమాల్లో నటిస్తూనే మరోపక్క బిగ్ బాస్ షోని హోస్ట్ చేస్తున్నారు. అయితే ఈ మధ్యకాలంలో ఆయన నుంచి వస్తోన్న సినిమాలేవీ పెద్దగా వర్కవుట్ అవ్వడం లేదు. ‘ది ఘోస్ట్’ సినిమా భారీ అంచనాల మధ్య ప్రేక్షకుల ముందుకొచ్చింది. కానీ ఆశించిన స్థాయిలో ప్రేక్షకులను అలరించలేకపోయింది. ఇదిలా ఉండగా.. ఇప్పుడు నాగార్జునకు మరో కథ దొరికింది. కానీ దర్శకుడు మాత్రం సెట్ అవ్వడం లేదు.

టాలీవుడ్ లో కొన్ని హిట్టు సినిమాలకు కథ అందించిన బెజవాడ ప్రసన్న అనే రైటర్.. నాగార్జున కోసం ఓ కథ సిద్ధం చేసుకున్నారు. కానీ ఎవరు డైరెక్ట్ చేస్తారనేది పాయింట్. ప్రస్తుతం దర్శకులెవరూ ఖాళీగా లేరు. ఎవరికి వారు తమ ప్రాజెక్ట్స్ తో బిజీగా ఉన్నారు. నాగార్జున ఓ ఇద్దరు దర్శకులను సంప్రదించగా.. వారు సున్నితంగా నో చెప్పినట్లు తెలుస్తోంది. దాంతో ఇప్పుడు కథ తీసుకొచ్చిన బెజవాడ ప్రసన్ననే దర్శకుడిని చేయడానికి రెడీ అవుతున్నారు నాగార్జున.

ప్రసన్న కూడా డైరెక్టర్ కావాలని చాలా కాలంగా చూస్తున్నారు. కానీ సరైన అవకాశం రాలేదు. దర్శకుడు త్రినాథరావు నక్కిన డైరెక్ట్ చేసిన సినిమాలకు ప్రసన్నే కథ అందించేవారు. అంతేకాదు.. కొన్ని సన్నివేశాలను ఆయనే డైరెక్ట్ చేశేవారని ఇండస్ట్రీలో మాటలు వినిపించేవి. ఇప్పుడు దర్శకుడిగా ఎదగాలని భావిస్తున్నారు ప్రసన్న. మొత్తానికి నాగార్జున యంగ్ టాలెంట్ కి ఛాన్స్ ఇవ్వాలని నిర్ణయించుకున్నారు.

ప్రసన్న గనుక నాగ్ సినిమాతో సత్తా చాటగలిగితే అతడికి ఇండస్ట్రీలో మరిన్ని అవకాశాలు రావడం ఖాయం. మరేం జరుగుతుందో చూడాలి. ప్రసన్న ఇప్పటివరకు ‘సినిమా చూపిస్త మావ’, ‘నేను లోకల్’, ‘హలో గురు ప్రేమ కోసమే’ వంటి సినిమాలను రైటర్ గా పని చేశారు. కొన్ని సినిమాలకు స్క్రీన్ ప్లే కూడా అందించారు.

ఆహ నా పెళ్లంట వెబ్ సిరీస్ రివ్యూ& రేటింగ్!
గాలోడు సినిమా రివ్యూ & రేటింగ్!

మసూద సినిమా రివ్యూ & రేటింగ్!
సూపర్ స్టార్ కృష్ణ ట్రెండ్ సెట్టర్ అనడానికి 10 కారణాలు!