పుట్టినరోజు సందర్భంగా కొత్త సినిమా ప్రకటించిన వై.వి.ఎస్.చౌదరి

ఇప్పుడిప్పుడే కెరీర్ లు మొదలెడుతున్న దర్శకులు కూడా ప్రయోగాలు చేయడానికి ఇష్టపడకుండా సేఫ్ జోన్ లో తమ కెరీర్ లను ప్లాన్ చేసుకొంటున్న తరుణంలో కెరీర్ తొలినాళ్ళ నుండి ప్రయోగాలు చేస్తూ.. కొత్త టాలెంట్ ను ఇండస్ట్రీకి ఇంట్రడ్యూస్ చేస్తూ రిస్క్ ను కాస్త ఎక్కువగానే ఫేస్ చేశాడు వై.వి.ఎస్.చౌదరి. రామ్, ఇలియానా వంటి టాలెంటెడ్ హీరోహీరోయిన్స్ ను పరిచయం చేసిన ఘనత ఆయన సొంతం. అలాంటి ఎమేజింగ్ టెక్నీషియల్ అయిన వై.వి.ఎస్.చౌదరి.. “ఒక్క మగాడు, సలీం, రేయ్” చిత్రాలతో దర్శకుడిగా,

నిర్మాతగా కుదేలైన వై.వి.ఎస్.చౌదరి కొన్నాళ్ళ విరామం అనంతరం మళ్ళీ దర్శకనిర్మాతగా సెకండ్ ఇన్నింగ్స్ మొదలుపెట్టనున్నారు. నిన్న ఆయన పుట్టినరోజు సందర్భంగా మళ్ళీ అందరూ కొత్తవాళ్లతోనే ఒక సినిమా తెరకెక్కించేందుకు ఆయన రంగం సిద్ధం చేసుకొంటున్నాడు. ఈమేరకు ఆయన తన బర్త్ డే పార్టీలో చిన్న ఎనౌన్స్ మెంట్ కూడా చేశాడట. త్వరలోనే క్యాస్టింగ్ మొదలెట్టి ఇండస్ట్రీకి కొత్త టాలెంట్ ను పరిచయం చేయనున్నాడు వై.వి.ఎస్.చౌదరి. ఆ సినిమా కూడా “దేవదాసు” తరహాలో సంచలనం సృష్టిస్తే చౌదరికి అది స్ట్రాంగ్ కమ్ బ్యాక్ అవుతుంది.