అమితాబ్ తో తెరపంచుకోనున్న మరో హీరోయిన్

అమితాబ్ లాంటి నటుడితో తెర పంచుకోవాలని అనుకోని నటులుండరనడం అతిశయోక్తి కాదు. హీరో హీరోయిన్లు కూడా బిగ్ బీతో కలిసి ఓ ఫ్రేమ్ లో కనపడితే చాలనుకునే వారే. ఈ తరం హీరోయిన్లలో ‘పింక్’ సినిమాతో తాప్సి ఆ కలను నిజం చేసుకోగా ఇప్పుడు మరో హీరోయిన్ ఆ అవకాశాన్ని అందుకుంది.

తెలుగులో ‘నువ్విలా’, ‘గౌరవం’, ‘కొరియర్ బాయ్ కళ్యాణ్’ సినిమాలు చేసిన యామి గౌతమ్ మంచి నటిగా గుర్తింపు తెచ్చుకుంది. తర్వాత హిందీ సినిమాలతో బిజీ అయిపోయిన యామీ త్వరలో అమితాబ్ తో కలిసి నటించనున్నట్టు సమాచారం. అమితాబ్ – రామ్ గోపాల్ వర్మ కలయికలో వచ్చిన ‘సర్కార్’ సిరీస్ లో మూడోభాగం రూపుదిద్దుకుంటున్న సంగతి తెలిసిందే. ఈ సినిమాలో యామీ కీలక పాత్రలో నటించనుందిట. ఈ విషయాన్ని వర్మ స్వయంగా వెల్లడించారు. అను కర్కారే పాత్రలో తండ్రిని చంపిన వారిపై పగతీర్చుకునే యువతిగా యామీ ఈ సినిమాలో కనపడనుందిట.