బొమ్మ ఒక భాషలో, వినిపించే మాట మరో భాషలో.. ఇదెలా సాధ్యం అంటారా? టెక్నాలజీతో ఇలాంటి ఎన్నో పనులు చేయొచ్చు. తాజాగా ‘యశోద’ చిత్రబృందం ఇలాంటి ఏర్పాటే చేసింది. తమ సినిమాను నచ్చిన భాషలో చూడొచ్చు అంటూ ఓ యాప్‌ను తీసుకొచ్చింది. నిజానికి ఈ సినిమా ఒక్కటే కాదు.. యాప్‌లో మరికొన్ని సినిమాలు కూడా ఉన్నాయి. అయితే ‘యశోద’ టీమ్‌ ఈ యాప్‌ను ఇప్పుడు అందరికీ గుర్తు చేసింది. ఆ విషయం పక్కనపెడితే.. ఆ యాప్‌ ఏంటి, ఎలా పని చేస్తుందో చూద్దాం.
ఓటీటీలో సినిమా చూసేటప్పుడు మనకు నచ్చిన భాషను ఎంపిక చేసుకుని చూస్తాం. థియేటర్లలోనూ ఇలాంటి ఫీచర్‌ను అందుబాటులోకి తీసుకొచ్చేదే ఈ యాప్‌. దాని పేరే ‘సినీ డబ్స్‌’. దీనిద్వారా ప్రేక్షకులు తమకు నచ్చిన భాషలో థియేటర్‌లోనే సినిమా చూడొచ్చు. అంటే మీరు థియేటర్‌లో ‘యశోద’ తెలుగు వెర్షన్‌ సినిమాకు వెళ్ళి.. ఆ యాప్‌లో హిందీలో సినిమాను వినొచ్చు అన్నమాట. ఈ యాప్‌ను ఎలా వాడాలి తదితర విషయాలను ‘యశోద’ టీమ్‌ ఓ పోస్ట్‌ ద్వారా తెలిపింది.
సమంత ప్రధాన పాత్రలో హరి- హరీశ్‌ తెరకెక్కించిన ‘యశోద’ ఈ నెల 11న విడుదలైన సంగతి తెలిసిందే. ఈ సినిమాను పాన్‌ ఇండియా రేంజిలో విడుదల చేస్తామని టీమ్‌ చెప్పింది. అయితే తెలుగు, తమిళ భాషలనే కీలకంగా తీసుకుంది. మిగిలిన భాషలను ఇప్పుడు ‘సినీ డబ్స్‌’ ద్వారా ఎంజాయ్‌ చేయొచ్చు.
సినీ డబ్స్‌ యాప్‌ను ఎలా వాడాలంటే..
* గూగుల్‌ ప్లే స్టోర్‌/ యాప్‌ స్టోర్‌ నుండి ‘సినీడబ్స్‌’ యాప్‌ను డౌన్‌లోడ్‌ చేసుకోవాలి.
* మెయిల్‌ ఐడీ, మొబైల్‌ నెంబరు, ఫేస్‌బుక్‌ ద్వారా యాప్‌లో లాగిన్‌ అవ్వొచ్చు.
* ఆ తర్వాత యాప్‌కు లొకేషన్‌, మైక్రోఫోన్, ఫోన్‌ పర్మిషన్‌ లాంటివి ఇవ్వాలి.
* లిస్ట్‌లో మీరు చూడాలనుకుంటున్న సినిమా టైటిల్‌ క్లిక్‌ చేసి ఆ వాయిస్‌ ఫైల్‌ని డౌన్‌లోడ్‌ చేసుకోవాలి.
* థియేటర్‌కు వెళ్లాక యాప్‌లో ఆ సినిమా ట్రాక్‌ను ప్లే చేయాలి.
* అప్పుడు మీ మొబైల్‌లో మైక్రోఫోన్ ద్వారా సినిమా స్టార్ట్‌ అయ్యింది లేనిదీ యాప్‌ చెక్‌ చేసుకుంటుంది.
* తెర మీద సినిమా మొదలవ్వగానే మొబైల్‌లో ట్రాక్‌ ప్లే అవ్వడం ప్రారంభమవుతుంది.
* అందుకు తగ్గట్టుగా వీడియో, ఆడియో సింక్‌ అయ్యేలా యాప్‌ చూసుకుంటుంది.
* అన్నట్లు ఈ యాప్‌ వాడాలంటే మొబైల్‌ ఫోన్‌కు హెడ్‌సెట్‌ తప్పనిసరి.
* ‘యశోద’ సినిమా విషయానికొస్తే.. తెలుగు, తమిళం, మలయాళం, హిందీ ఆడియో ట్రాక్స్‌ అందుబాటులో ఉన్నాయి.
* రీసెంట్‌ విడుదలైన ‘గాడ్‌ ఫాదర్‌’, ‘కార్తికేయ 2’, ‘సీతారామం’, ‘విక్రాంత్‌ రోణ’, ‘రాకెట్రీ’ తదితర సినిమాలున్నాయి.
యశోద సినిమా రివ్యూ& రేటింగ్!
సరోగసి నేపథ్యంలో వచ్చిన సినిమాలు ఏంటంటే..?
‘కె.జి.ఎఫ్’ టు ‘కాంతార’..బాక్సాఫీస్ వద్ద అత్యధిక కలెక్షన్లు రాబట్టిన కన్నడ సినిమాల లిస్ట్..!
నరేష్ మాత్రమే కాదు ఆ హీరోలు కూడా భార్యలు ఉన్నప్పటికీ హీరోయిన్లతో ఎఫైర్లు నడిపారట..!
