ఆ హీరోని బాలయ్య ఎందుకు కొట్టారంటే..?

నందమూరి బాలకృష్ణ ఇటీవల ‘సెహరి’ సినిమా ఫస్ట్ లుక్ ఆవిష్కరణ కార్యక్రమంలో పాల్గొన్న సంగతి తెలిసిందే. ఈ ఈవెంట్ లో బాలయ్య చేసిన వ్యాఖ్యలు బాగా వైరల్ అయ్యాయి. అలానే సినిమా ఫస్ట్ లుక్ రిలీజ్ చేస్తున్న సమయంలో యంగ్ హీరో హర్షను బాలయ్య చేతిపై కొట్టడం చర్చకు దారి తీసింది. బాలయ్య గతంలో తన ఫ్యాన్స్ పై కూడా ఇలా చేయి చేసుకున్న సందర్భాలు ఉన్నాయి. అయితే సినిమా ఇండస్ట్రీకి చెందిన వ్యక్తిపై కూడా చేయి చేసుకోవడం చర్చనీయాంశమైంది. ఈ విషయంపై హీరో హర్ష క్లారిటీ ఇచ్చారు.

అభిమానులంతా బాలయ్యని ఉత్సాహపరచడంతో ఆయన వేదికపై ఎంతో చలాకీగా కనిపించారు. ఫస్ట్ లుక్ పోస్టర్ రిలీజ్ సమయంలో యువ హీరో, హీరోయిన్లతో సరదాగా మాట్లాడారు బాలయ్య. ఫస్ట్ లుక్ పోస్టర్ ను పట్టుకొని మీడియాకు స్టిల్స్ ఇచ్చే సమయంలో హీరో హర్ష పోస్టర్ పట్టుకుంటుండగా.. బాలయ్య అతడి చేయిపై ఒక్కటిచ్చారు. దాంతో అతడు పోస్టర్ వదిలేశాడు. ఆ తరువాత డైరెక్టర్ చేతితో ఆ పోస్టర్ ని పట్టించారు బాలయ్య. అనంతరం హర్షను కూడా చేతితో పట్టుకోమని చెప్పారు. బాలయ్య తన చేతిపై ఎందుకు కొట్టారని విషయంపై యువహీరో హర్ష వివరణ ఇచ్చారు.

పోస్టర్ ను పట్టుకొనే సమయంలో తన ఎడమ చేతిని ఉపయోగించానని. అలా ఎడమ చేతితో పట్టుకోవడం శుభం కాదని… అందుకే బాలయ్య తన ఎడమ చేతిపై కొట్టి.. కుడి చేతితో పట్టుకోమని చెప్పినట్లు హర్ష తెలిపారు. వ్యక్తిగతంగా బాలయ్య సెంటిమెంట్లు, ఆచారాలు, సంప్రదాయాలు పాటించడంలో ముందుటారు. అందుకే హీరో హర్ష ఎడమ చేతిని ఉపయోగించడంతో కొట్టినట్లు తెలుస్తోంది. ప్రస్తుతం బాలయ్య.. బోయపాటి రూపొందిస్తోన్న సినిమాలో నటిస్తున్నారు. ఈ సినిమా షూటింగ్ దశలో ఉంది.

Most Recommended Video

ఈ 25 మంది హీరోయిన్లు తెలుగు వాళ్ళే .. వీరి సొంత ఊర్లేంటో తెలుసా?
ఈ 12 మంది ఆర్టిస్ట్ ల కెరీర్.. షార్ట్ ఫిలిమ్స్ ద్వారానే మొదలయ్యింది..!
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!