వరుస ఆఫర్లతో బిజీగా ఉన్న కిరణ్ అబ్బవరం..!

‘రాజావారు రాణిగారు’ చిత్రంతో తెలుగు ప్రేక్షకులకు పరిచయమైన కుర్ర హీరో కిరణ్ అబ్బవరం.ఆ చిత్రం యూత్ ను బాగానే ఆకట్టుకుంది. కరోనా లాక్ డౌన్ కు ముందు విడుదలైన ఈ చిత్రం థియేటర్లలో కంటే అమెజాన్ ప్రైమ్ ఓటిటిలోనే బాగా పెర్ఫార్మ్ చేసింది అని చెప్పాలి. ఏది ఏమైనా మొదటి చిత్రంతోనే కిరణ్ హిట్ అందుకున్నాడు. ఇక అతని తరువాతి చిత్రమైన ఎస్.ఆర్.కళ్యాణమండపం’ ప్రస్తుతం పోస్ట్ ప్రొడక్షన్ పనులను జరుపుకుంటుంది.

మే నెలలో రిలీజ్ చెయ్యడానికి ప్లాన్ చేస్తున్నారు నిర్మాతలు. ప్రముఖ డిస్ట్రిబ్యూటర్ వరగంల్ శ్రీను ఈ చిత్రం థియేట్రికల్ హక్కులను ఏకంగా రూ.4 కోట్లు పెట్టి కొనుగోలు చేసాడట. కాబట్టి దీని పై కూడా మంచి హైప్ ఏర్పడింది. దీంతో పాటు ‘సెబాస్టియన్’ ‘సమ్మతమే’ వంటి చిత్రాల్లో కూడా నటిస్తూ కిరణ్ బిజీగా ఉన్నాడు. మరో రెండు షెడ్యూల్స్ లో ఇవి కూడా పూర్తయిపోతాయట. ఇవి షూటింగ్ దశలో ఉండగానే మరో రెండు చిత్రాల్లో నటించడానికి కిరణ్ రెడీ అయినట్టు తాజా సమాచారం.

వీటిలో ఒకటి పెద్ద బడ్జెట్ తో కూడుకున్న సినిమా అని తెలుస్తుంది. చేసింది ఒక్క సినిమానే అయినా… ఇలా వరుస ఆఫర్లు అందుకుంటూ ఈ కుర్రాడు దూసుకుపోతున్నాడు. చూస్తుంటే.. ఇతను కూడా మంచి క్రేజ్ ను సంపాదించుకుని మీడియం రేంజ్ హీరోల లిస్ట్ లో జాయిన్ అయ్యే అవకాశం ఉందని ఇండస్ట్రీలో చర్చ జరుగుతుంది.

Most Recommended Video

ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
ఈ సక్సెస్ ఫుల్ డైరెక్టర్లు ఒకప్పుడు స్టార్ డైరెక్టర్స్ దగ్గర అసిస్టెంట్లుగా చేసిన వాళ్ళే..!
తన 11 ఏళ్ళ కేరీర్లో సమంత మిస్ చేసుకున్న సినిమాల లిస్ట్..!