యంగ్ టైగర్ జూనియర్ ఎన్టీఆర్ ఆర్ఆర్ఆర్ మూవీ షూటింగ్ పూర్తైన వెంటనే కొరటాల శివ సినిమా పనులతో బిజీ కానున్నారు. ఆగష్టులో ఈ సినిమా షూటింగ్ మొదలు కానుండగా హీరోయిన్ గా కియారా అద్వానీ దాదాపుగా ఫైనల్ అయ్యారని తెలుస్తోంది. ఇప్పటికే స్క్రిప్ట్ పనులను పూర్తి చేసిన కొరటాల శివ ప్రస్తుతం తారక్ సినిమాలో నటించే నటీనటులను, సాంకేతిక నిపుణులను ఎంపిక చేసే పనిలో పడ్డారని సమాచారం. ఈ సినిమాలో విలన్ గా వేరే ఇండస్ట్రీలో గుర్తింపును సంపాదించుకున్న యంగ్ హీరోకు ఛాన్స్ దక్కనుందని తెలుస్తోంది.
ఈ మూవీలో విలన్ రాజకీయ నేతగా కనిపిస్తారని సమాచారం. ఇప్పటికే పలువురు యంగ్ హీరోల పేర్లను పరిశీలించిన కొరటాల శివ త్వరలో ఈ పాత్ర కోసం విలన్ ను ఫైనలైజ్ చేయనున్నారని తెలుస్తోంది. హీరోను దెబ్బ కొట్టే విలన్ పాత్రకు సినిమాలో ఎంతో ప్రాధాన్యత ఉంటుందని ఇండస్ట్రీ వర్గాల్లో వినిపిస్తోంది. త్వరలో విలన్ గా నటిస్తున్న ఈ యంగ్ హీరోకు సంబంధించి అధికారిక ప్రకటన రానుందని సమాచారం. కోలీవుడ్ కు చెందిన వ్యక్తికి ఈ ఛాన్స్ దక్కే అవకాశాలు అయితే ఉన్నాయి.
పాన్ ఇండియా మూవీగా ఈ సినిమా తెరకెక్కనున్న నేపథ్యంలో కొరటాల శివ కాస్టింగ్ విషయంలో ఎన్నో జాగ్రత్తలు తీసుకుంటున్నారు. ఈ సినిమాలోని కీలక పాత్రలకు బొమన్ ఇరానీ, సంపత్ రాజ్ ఫైనల్ అయినట్టు వార్తలు వస్తుండటం గమనార్హం. ఈ సినిమాకు అనిరుధ్ రవిచందర్ మ్యూజిక్ అందించే అవకాశాలు ఉన్నాయని తెలుస్తోంది.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
