మరి మన దర్శకనిర్మాతలకి కొత్త టైటిల్స్ దొరకడం లేదో లేక వెతకడం ఎందుకు వేస్ట్ అనుకుంటున్నారో తెలియదు కానీ.. ఈమధ్యకాలంలో పాట చరణాలో లేక పాత టైటిల్సో ఎక్కువగా కనిపిస్తున్నాయి. ముఖ్యంగా చిరంజీవి సూపర్ హిట్ టైటిల్స్ కోసం యువ హీరోలు పోటీపడుతున్నారు. నిన్నగాకమొన్న నాని తన తాజా చిత్రానికి చిరంజీవి కెరీర్ లోనే బిగ్గెస్ట్ హిట్ అయిన “గ్యాంగ్ లీడర్” టైటిల్ ను పెట్టుకొన్నాడు. ప్రస్తుతం ఆ టైటిల్ కోసం రచ్చ జరుగుతోంది అది వేరే విషయం అనుకోండి. ఇప్పుడు కార్తీ కూడా తన కొత్త సినిమాకి చిరంజీవి కెరీర్ ని మలుపు తిప్పిన “ఖైదీ” టైటిల్ కొట్టేశాడు.
లోకేష్ దర్శకత్వంలో తెరకెక్కుతున్న ఓ చిత్రంలో కార్తీ జైలు ఖైదీగా కనిపించనున్నాడు. దాంతో ఆ సినిమాకి “ఖైదీ” అనే టైటిల్ పెట్టేశారు. నిజానికి ఈ టైటిల్స్ తో రామ్ చరణ్ హీరోగా సినిమాలు తీద్దామనుకున్నాడు చిరంజీవి. కానీ… చరణ్ కి ఛాన్స్ ఇవ్వకుండా ఈ యువ హీరోలు ఇలా పోటీపడి మరీ చిరంజీవి టైటిల్స్ ను వరుసబెట్టి వాడేస్తుండడం చర్చనీయాంశం అయ్యింది.
Home