డాలీ దర్శకత్వంలో పవర్ స్టార్ పవన్ కళ్యాణ్ నటిస్తున్న కాటమ రాయుడు షూటింగ్ వేగంగా జరుగుతోంది. ఇందులో పవన్ ఫ్యాక్షనిస్ట్ గా కనిపించనున్నారు. శృతిహాసన్, యామిని భాస్కర్ హీరోయిన్లుగా నటిస్తున్న ఈ చిత్రాన్ని శరత్ మరార్ నిర్మిస్తున్నారు. త‌మిళంలో అజిత్ హీరోగా వ‌చ్చిన “వీర‌మ్” సినిమాకు రీమేక్ గా అయిన కాటమ రాయుడు కి కథలో ఐదు మంది తమ్ముళ్లు ఉంటారు.
ఆ క్యారెక్టర్లకు ముందుగా శర్వానంద్, రాజ్ తరుణ్, విజయ దేవర కొండ, నవీన్ చంద్ర, కమల్ కామరాజులను ఎంచుకున్నారు. పవన్ తో కలిసి నటించే అవకాశం కావడంతో వారు కూడా ఒకే చెప్పారు. యువహీరోలు ఒకే చెప్పి రెండు నెలలు దాటిపోయింది. ఇప్పుడు వారు తమ సినిమాల్లో బిజీ అయిపోయారు. దీంతో పవన్ సినిమాలో నటించమని తేల్చి చెప్పేశారని తాజా సమాచారం. కమల్ కామరాజు మాత్రమే 50 రోజుల డేట్స్ ఇవ్వడానికి సిద్ధమయ్యాడని మిగిలిన వారు పక్కకు తప్పుకున్నారని తెలిసింది. ఇప్పుడు పవర్ స్టార్ కి తమ్ముళ్ల వేటలో చిత్ర బృందం పడింది.
