‘మళ్ళీరావా’ సినిమాపై మనసు పారేసుకుంటున్న యువత

కొన్ని లవ్ స్టోరీలు నవ్విస్తాయి. మరికొన్ని ఏడిపిస్తాయి. అతితక్కువగా స్టోరీలు మాత్రమే మనసుకు హత్తుకుంటాయి. సినిమా థియేటర్ నుంచి బయటికి వచ్చినా కూడా ఆ ప్రేమ తాలూకు అనుభూతులు వెంటాడుతుంటాయి. అటువంటి సినిమా జాబితాలో “మళ్ళీ రావా” చేరింది. అక్కినేని హీరో సుమంత్ చాలా రోజుల తర్వాత చేసిన ఈ మూవీ గత శుక్రవారం రిలీజ్ అయి విశేషంగా ఆకట్టుకుంటోంది. గౌతమ్‌ తిన్నమూరి దర్శకత్వం వహించిన ఈ సినిమా యువత హృదయాలను తాకుతోంది.

ఒక ప్రేక కథను మూడు స్థాయిలో కొత్తగా చూపించడం అందరికీ నచ్చుతోంది. అందుకే ఈ చిత్రాన్ని మళ్ళీ మళ్ళీ చూస్తున్నారు. ఈ సినిమా గురించి తెలుసుకున్న ముఖ్యమంత్రి కేసీఆర్ ఈ సినిమా చూడాలని, ఓ ప్రింట్‌ కావాలని కోరుకున్నారంటే .. ఎంత మందిని ఆకర్షించిందో అర్ధం చేసుకోవచ్చు. సుమంత్, ఆకాంక్ష సింగ్ ల మధ్య ప్రేమ చక్కగా కుదిరిందని, అలా వారు నటించారని చూసిన ప్రతి ఒక్కరూ అభినందిస్తున్నారు. శ్రవణ్‌ భరద్వాజ్‌ ఇచ్చిన పాటలు, నేపథ్య సంగీతం కథకు ప్లస్ అయిందని సినీ విశ్లేషకులు ప్రశంసిస్తున్నారు. ఈ మూవీతో సుమంత్ హిట్ ట్రాక్ లోకి వచ్చేశారని చెప్పారు. స్వధర్మ ఎంటర్‌టైన్‌మెంట్‌ పతాకంపై రాహుల్‌ యాదవ్‌ నక్క నిర్మించిన మళ్ళీ రావా మూవీ కలక్షన్స్ రోజు రోజుకి పెరుగుతోంది.