ఇటీవల ‘బంగారు బుల్లోడు’ సినిమాతో ప్రేక్షకుల ముందుకు వచ్చాడు అల్లరి నరేష్. కానీ ఈ సినిమా ఆశించిన ఫలితాన్ని అందుకోలేకపోయింది. నిజానికి ప్రస్తుతం అల్లరి నరేష్ ఫోకస్ మొత్తం కూడా ‘నాంది’ సినిమాపైనే ఉంది. ‘బంగారు బుల్లోడు’ సినిమా ప్రమోషన్స్ సమయంలో కూడా ‘నాంది’ సినిమా గురించి గొప్పగా చెప్పుకొచ్చాడు అల్లరి నరేష్. చాలా ఏళ్ల తరువాత ‘నాంది’ టీజర్ తో ప్రేక్షకుల దృష్టిని ఆకర్షించగలిగాడు ఈ హీరో. తొలిసారి ఈ సినిమా సీరియస్ రోల్ లో నటించాడు.
ఇందులో అల్లరి నరేష్ న్యూడ్ గా కనిపించనున్నాడు. చేయని నేరానికి శిక్ష పడ్డ ఖైదీ బయటకి రావడానికి ఎలాంటి పోరాటం చేశాడనేదే ఈ సినిమా కథ. విజయ్ కుమార్ అనే నూతన దర్శకుడు ఈ సినిమాతో పరిచయం కానున్నారు. గతేడాదిలోనే ఈ సినిమా ఓటీటీలో రిలీజ్ అవుతుందనుకున్నారు. కానీ దీనిపై ఎలాంటి అధికారిక ప్రకటన రాలేదు. ఇప్పుడు ఈ సినిమా విడుదలకు రంగం సిద్ధమైనట్లు తెలుస్తోంది. ‘సోలో బ్రతుకే సో బెటర్’ సినిమాను హోల్ సేల్ గా కొనేసిన జీ స్టూడియోస్ సంస్థ ‘నాంది’ సినిమాను కొన్నట్లు తెలుస్తోంది.
రూ.8.5 కోట్లకు డీల్ క్లోజ్ అయినట్లు సమాచారం. త్వరలోనే అగ్రిమెంట్ ను పూర్తి చేసుకొని రిలీజ్ డేట్ ప్రకటిస్తారని తెలుస్తోంది. ఈ డీల్ లోనే థియేట్రికల్, డిజిటల్, శాటిలైట్ హక్కులు కలిపి ఉంటాయట. ముందుగా ఈ సినిమాను థియేటర్లో రిలీజ్ చేసి కొన్ని రోజుల తరువాత డిజిటల్ స్ట్రీమింగ్ కు వదులుతారని తెలుస్తోంది. ‘నాంది’ సినిమాపై ఉన్న అంచనాల ప్రకారం ఈ సినిమాను థియేటర్లో రిలీజ్ చేసినా.. మంచి ఫలితాన్ని రాబట్టే అవకాశం ఉంది.
Most Recommended Video
ఈ 10 మంది సినీ సెలబ్రిటీలకు తల్లులు వేరైనా తండ్రులు ఒకరే..!
సౌత్ లో సక్సెస్ అయిన టాక్ షోలు.. ఏ తారలు హోస్ట్ చేసినవంటే..!
వరల్డ్ రికార్డ్ కొట్టి.. టాలీవుడ్ స్థాయిని పెంచిన సెలబ్రిటీల లిస్ట్..!
Home