నందమూరి కళ్యాణ్ రామ్ మార్కెట్ ను రెండింతలు పెంచిన సినిమా ‘బింబిసార’.నిర్మాతగా కూడా అతను ఈ సినిమాతో అతను భారీ సక్సెస్ అందుకున్నాడు. మల్లిడి వశిష్ట ద‌ర్శ‌క‌త్వంలో రూపొందిన ఈ చిత్రం ఏకంగా రూ.38 కోట్ల షేర్ ను రాబట్టింది. ఇక ‘బింబిసార’ లో ఈ చిత్రానికి పార్ట్ 2 కూడా ఉండబోతుందని రివీల్ చేశారు. దీంతో ఆ ప్రాజెక్టుపై కూడా భారీ అంచ‌నాలు ఏర్పడ్డాయి. ఈ చిత్రం షూటింగ్ అయితే ఇంకా స్టార్ట్ అవ్వలేదు.
దర్శకుడు మల్లిడి వశిష్ట్ ఈ ప్రాజెక్ట్ నుండి తప్పుకునే అవకాశాలు కూడా ఉన్నట్లు టాక్ నడించింది. అతనికి చిరంజీవితో సినిమా చేసే ఛాన్స్ ఉండటంతో.. ఈ ప్రాజెక్టుని వేరే డైరెక్టర్ తో తెరకెక్కించాలని నిర్మాత కళ్యాణ్ రామ్ డిసైడ్ అయినట్టు కూడా టాక్ నడిచింది. అది ఎంత వరకు నిజం అన్నది ఇంకా తేలలేదు. ఇదిలా ఉండగా.. ‘బింబిసార 2 ‘ కి జీ 5 వారు బంపర్ ఆఫర్ ఇచ్చారట.
ఏంటి అంటే.. ‘బింబిసార 2 ‘ (Bimbisara 2) చిత్రం రైట్స్ ను ఏకంగా రూ.100 కోట్లు పెట్టి కొనుగోలు చేయడానికి ముందుకొచ్చిందట. ఇది చిన్న డీల్ అయితే కాదు. అయితే ఇక్కడో కండిషన్ కూడా ఉన్నట్టు సమాచారం. కళ్యాణ్ రామ్.. ఫ‌స్ట్ కాపీ ఇస్తే… జీ 5 వారు రూ.100 కోట్లు చెల్లించేస్తారు. ‘బింబిసార ‘ కి 4 రెట్లు బిజినెస్ అవుతుంది అంటే కళ్యాణ్ రామ్ మాత్రం ఎందుకు నో చెబుతాడు.
వెంటనే ఓకే చేసేసాడు అని సమాచారం. అయితే వశిష్ట్ స్థానంలో ‘రొమాంటిక్’ దర్శకుడు అనిల్ పాదూరి ఈ చిత్రాన్ని డైరెక్ట్ చేసే అవకాశాలు ఉన్నాయి. వశిష్ట తప్పుకున్నా జీ 5 వారు వెనకదుకేయడం లేదు.
సామజవరగమన సినిమా రివ్యూ & రేటింగ్!
వివాదాలకు కేరాఫ్ అడ్రస్ మారిన విజయ్ దళిపతి సినిమాలు!
