గత మూడు సీజన్లు ఎలా ఉన్నా కానీ… ‘బిగ్ బాస్ 4’ లోనే వింత వింత పరిణామాలు అన్నీ చోటు చేసుకున్నాయని చెప్పాలి. కరోనా లాక్ డౌన్ కారణంగా సీజన్ 4 చాలా ఆలస్యంగా ప్రారంభమయ్యింది. అదే ఒక వింత అనుకుంటే.. ఎపిసోడ్ ప్రారంభంలో కొన్నాళ్ళు ‘బిగ్ బాస్’ వాయిస్ ఎక్కువగా వినపడలేదు.అంతేకాదు ఇప్పటికీ బిగ్ బాస్ విన్నర్ ఎవరు అవుతారు అనే క్లారిటీ ఇంకా రాలేదు. కౌశల్, రాహుల్ వంటి గత సీజన్ల విన్నర్లు.. అభిజీత్ పేరు చెబుతున్నారు కానీ.. మొదటి నుండీ ఎవ్వరూ ఊహించని వాళ్ళే ఎలిమినేట్ అవుతున్నదానిని బట్టి ఏదైనా జరగొచ్చు అనిపిస్తుంది. ఇవే కాదు ఇలాంటివి చాలానే చోటు చేసుకున్నాయి. అలా ఎవ్వరూ ఊహించని విధంగా ‘బిగ్ బాస్4’ సీజన్లో జరిగిన వింత పరిణామాలు ఏంటో పరిశీలిద్దాం రండి :
1) మొదటి రోజే 61 ఏళ్ల గంగవ్వ ‘బిగ్ బాస్’ కంటెస్టెంట్ గా ఎంట్రీ ఇవ్వడం. దీనిని ఎవ్వరూ అంచనా వెయ్యలేదు.
2)సోహైల్, అరియానా సీక్రేట్ రూమ్ కు వెళ్లడం.. ఆ తరువాత రెండు, మూడు రోజులకు హౌస్లోకి ఎంట్రీ ఇవ్వడం.
3)మొదటి నామినేషన్స్ రోజునే కరాటే కళ్యాణి, సుజాత ల మధ్య వివాదం చోటుచేసుకోవడం.
4)ఇక రెండో వారం కరాటే కళ్యాణి ఎలిమినేట్ అవ్వడం ఆ వెంటనే హారిక ఫేక్ ఎలిమినేషన్ జరగడంతో అంతా షాక్ అయ్యారు. ఈసారి రెండో వారం నుండే డబుల్ ఎలిమినేషన్ మొదలుపెట్టేసారా అని అంతా ఆశ్చర్యపోయారు.
5)కమెడియన్ కుమార్ సాయి, అవినాష్, స్వాతి దీక్షిత్ వంటి వారు లైన్ గా వైల్డ్ కార్డ్ ఎంట్రీ ఇవ్వడం మరో వింత.
6)ఎవ్వరూ ఊహించని విధంగా రెండో వారం అఖిల్, మోనాల్ లవ్ స్టోరీ..మొదలుకావడం..!
7) ఇక మోనాల్ కోసమే అన్నట్టు అఖిల్, అభిజీత్ ల మాస్ గొడవ..!
8)స్ట్రాంగ్ కంటెస్టెంట్ అనుకున్న దేవి నాగవల్లి మూడో వారమే ఎలిమినేట్ అవ్వడం మరో వింతనే చెప్పాలి.
9)అమ్మ రాజశేఖర్ ఎలిమినేట్ అవ్వడం.. నోయల్ సేఫ్ అవ్వడం కూడా ఎవ్వరూ ఎక్స్పెక్ట్ చెయ్యలేదు.
10)అఖిల్ ఫేక్ ఎలిమినేషన్.. అతన్ని సీక్రెట్ రూమ్లో పెట్టి ‘బిగ్ బాస్’ డ్రామా నడపడం.
11)దసరా స్పెషల్ ఎపిసోడ్ ను సమంత హోస్ట్ చెయ్యడం. దానికి ముందురోజు ఎపిసోడ్ కు అసలు హోస్ట్ లేకపోవడం.
12)సుమ కనకాలతో వైల్డ్ కార్డు ఎంట్రీ అంటూ ప్రాంక్ చెయ్యడం.
అబ్బో.. ఇవన్నీ హఠాత్ పరిణామాలే నండోయ్.అంతేకాదు అనుకోకుండా.. గంగవ్వ అనారోగ్యంపాలయ్యి హౌస్ నుండీ బయటకు వచ్చెయ్యడం. ఆ తరువాత ఆమెకు కంపెనీగా వ్యవహరించిన నోయల్ కూడా అనారోగ్యం కారణంగా హౌస్ కు దూరం అవ్వడం కూడా ఒక వింతే. ఇక వైల్డ్ కార్డు ఎంట్రీని గత సీజన్లలో మొదటి నామినేషన్స్ నుండీ తప్పించి రెండు వారాల పాటు హౌస్ లో కొనసాగేలా చేసేవారు. కానీ ఈసారి స్వాతి దీక్షిత్ మొదటి వారమే ఎలిమినేట్ అవ్వడం మరో వింత. ఏమైనా ముందు సీజన్లతో పోలిస్తే.. ఈ నాలుగో సీజన్ ను కొంచెం డిఫరెంట్ గా ప్లాన్ చేసాడు ‘బిగ్ బాస్’. మరి విన్నర్ విషయంలో కూడా ఎవ్వరూ ఊహించనిదే జరుగుతుందేమో చూడాలి.
Most Recommended Video
బిగ్గెస్ట్ బ్లాక్ బస్టర్ మూవీస్ ను రిజెక్ట్ చేసిన రాజశేఖర్..!
టాలీవుడ్లో సొంత జెట్ విమానాలు కలిగిన హీరోలు వీళ్ళే..!
ఈ 25 మంది హీరోయిన్లు తెలుగు వాళ్ళే .. వీరి సొంత ఊర్లేంటో తెలుసా?
