సూపర్ స్టార్ మహేష్ బాబుకి సూపర్ స్టార్ ఇమేజ్ తెచ్చిపెట్టిన సినిమా ‘పోకిరి’. ఈ సినిమా తర్వాత మహేష్ బాబుకి దాదాపు 5 ఏళ్ళ పాటు హిట్టు పడలేదు. భారీ అంచనాలు నడుమ రిలీజ్ అయిన ‘సైనికుడు’ ‘అతిథి’ ‘ఖలేజా’ సినిమాలు బిగ్గెస్ట్ డిజాస్టర్స్ గా మిగిలాయి. దీంతో ‘మహేష్ బాబు పని అయిపోయింది’ అంటూ యాంటీ ఫ్యాన్స్ తెగ ట్రోల్ చేశారు. ఇలాంటి టైమ్లో శ్రీను వైట్ల దర్శకత్వంలో మహేష్ బాబు ఓ సినిమా చేస్తున్నాడు అంటే అందరిలోనూ చాలా అనుమానాలు ఏర్పడ్డాయి.
పైగా ‘నమో వెంకటేశ’ తో శ్రీను వైట్ల కూడా లోలో ఉన్నాడు ఆ టైమ్లో.! అయినప్పటికీ ధైర్యం చేసి మహేష్ బాబు ‘దూకుడు'(Dookudu) చేశాడు. ఈ సినిమా కోసం శంకర్ దర్శకత్వంలో ‘3 ఇడియట్స్’ రీమేక్ ను సైతం వదులుకున్నాడు. రిలీజ్ వరకు ఈ సినిమాపై అంచనాలు లేవు. అయితే 2011 సెప్టెంబర్ 23న రిలీజ్ అయిన ‘దూకుడు’ సినిమా మొదటి షోతోనే బ్లాక్ బస్టర్ టాక్ తెచ్చుకుంది.
బాక్సాఫీస్ వద్ద భారీ ఓపెనింగ్స్ సాధించింది. నేటితో ‘దూకుడు’ సినిమా రిలీజ్ అయ్యి 15 ఏళ్ళు పూర్తికావస్తోంది. ఈ సందర్భంగా టోటల్ బాక్సాఫీస్ కలెక్షన్స్ ను ఓ లుక్కేద్దాం రండి :
| నైజాం | 15.00 cr |
| సీడెడ్ | 7.50 cr |
| ఉత్తరాంధ్ర | 4.40 cr |
| ఈస్ట్ | 3.20 cr |
| వెస్ట్ | 2.80 cr |
| గుంటూరు | 4.20 cr |
| కృష్ణా | 3.00 cr |
| నెల్లూరు | 1.70 cr |
| ఏపీ + తెలంగాణ (టోటల్) | 41.80 cr |
| కర్ణాటక | 4.20 cr |
| రెస్ట్ ఆఫ్ ఇండియా | 1.10 cr |
| రెస్ట్ ఆఫ్ ఇండియా | 9.60 cr |
| వరల్డ్ వైడ్ టోటల్ | 56.70 cr |
‘దూకుడు’ సినిమా వరల్డ్ వైడ్ గా రూ.35 కోట్ల బ్రేక్ ఈవెన్ టార్గెట్ తో బరిలోకి దిగింది. ఫుల్ రన్ ముగిసేసరికి ఈ సినిమా ఏకంగా రూ.56.70 కోట్ల షేర్ ను రాబట్టింది. ‘మగధీర’ తర్వాత భారీ వసూళ్లు సాధించిన సినిమాగా రికార్డు సృష్టించింది. ఓవర్సీస్ లో తొలి 1 మిలియన్ డాలర్లు కలెక్ట్ చేసిన తొలి తెలుగు సినిమాగా చరిత్ర సృష్టించింది.
