సుధీర్ కోసమే అంత బడ్జెట్ అంటే ‘వి’ ఏ రేంజ్ లో ఉండనుండో..?

నాచురల్ స్టార్ నాని హీరోగా తెరకెక్కుతున్న చిత్రం ‘వి’. మోహన్ కృష్ణ ఇంద్రగంటి దర్శకత్వంలో రూపొందుతున్న ఈ సినిమాలో సుధీర్ బాబు పోలీస్ అధికారి పాత్ర చేస్తుండగా నాని ప్రతినాయకుడి ఛాయలు కలిగిన సీరియస్ కిల్లర్ గా నటిస్తున్నారు. ఈ చిత్రం కోసం సుధీర్ బాబు కొత్త లుక్ ట్రై చేస్తున్నారు. కాగా ఈ చిత్రం గురించి రోజుకొక ఆసక్తికర వార్త బయటికి వస్తుంది.తాజా సమాచారం ప్రకారం సుధీర్ ఇంట్రడక్షన్ సీన్ కోసం ఏకంగా రూ.2 కోట్లు ఖర్చు చేశారట. హైదరాబాద్ పాతబస్తీని పోలిన సెట్ ఒకటి రూపొందించారట. ఈ సెట్ లో మొదలయ్యే యాక్షన్ సీన్ ద్వారా సుధీర్ బాబు పాత్ర పరిచయం ఉంటుందని తెలుస్తుంది.

మరి సపోర్టింగ్ రోల్ చేస్తున్న సుధీర్ ఇంట్రడక్షన్ సన్నివేశాన్నే ఈ రేంజ్ లో రూపొందిస్తే నాని పాత్రను ఏ స్థాయిలో పరిచయం చేయనున్నారని అందరూ అనుకుంటున్నారు. ఇక ‘వి’ మూవీలో సుధీర్ బాబు , నానికి మధ్యన జరిగే సన్నివేశాలు, సంభాషణలు ప్రేక్షకుల్ని గొప్పగా ఆకట్టుకుంటాయని ధీమాగా చెబుతున్నారు. శ్రీ వెంకటేశ్వర క్రియేషన్స్ పతాకంపై దిల్ రాజు నిర్మిస్తున్న ఈ చిత్రం మార్చి 25న ఉగాది కానుకగా విడుదల కానుంది. ఇక నాని హీరోగా శివ నిర్వాణ తెరకెక్కిస్తున్న టక్ జగదీశ్ మూవీ షూటింగ్ ఇటీవలే మొదలైంది.

Most Recommended Video

అల్లు అర్జున్ ఆస్తుల వివరాలు
ఎన్టీఆర్ ఆస్తుల వివరాలు