కొత్త తెలుగు సినిమా మొదలవుతుంది అనగానే… కొత్త హీరోయిన్‌ తప్పక ఉంటుంది అనేలా గతంలో పరిస్థితులు ఉండేవి. ఇప్పుడిప్పుడు పరిస్థితులు మారుతున్నాయనిపిస్తోంది. అందుకే కొంచెం తెలిసిన ముఖాల్నే మళ్లీ సినిమాల్లోకి తీసుకుంటున్నారు. అయితే కొత్త నాయికలకు కోసం వెతికి, వెతికి పాత వారిని తీసుకురావడం గమనార్హం. తాజాగా ఇలాంటి ప్రాసెసే జరిగింది నాగచైతన్య సినిమాకి. విక్రమ్‌ కె. కుమార్‌ దర్శకత్వంలో చైతు హీరోగా ‘థ్యాంక్యూ’ అనే సినిమా రూపొందుతున్న విషయం తెలిసిందే. ఇందులో ముగ్గురు హీరోయిన్లు ఉంటారని వార్తలొచ్చాయి. తాజాగా రెండో హీరోయిన్‌ ఎంపిక పూర్తయిందట.
‘థ్యాంక్యూ’ చిత్రీకరణ ఇటీవల మొదలైన విషయం తెలిసిందే. ఇందులో ముందుగా చెప్పుకున్నట్లు ముగ్గురు హీరోయిన్లు ఉంటారు. తొలి నాయికగా అవికా గోర్‌ను తీసుకున్నారు. ఇప్పుడు రెండో హీరోయిన్‌గా మాళవిక నాయర్‌ను ఎంచుకున్నారట. త్వరలోనే ఆమె సెట్స్‌లో అడుగుపెడుతుందని సమాచారం. ఇక మూడో హీరోయిన్‌ విషయంలో చర్చలు ఇంకా జరుగుతున్నాయట. తొలుత ఆ పాత్రకు సమంతను అనుకున్నట్లు వార్తలొచ్చాయి. ఆ తర్వాత మళ్లీ ఆ ఊసులు వినిపించలేదు. దీంతో ఆమె సినిమాలో ఉందా లేదో తెలియడం లేదు.
ఇక సినిమా కథ విషయానికొస్తే… ఇందులో చైతన్య పెద్ద బిజినెస్‌ మ్యాగ్నెట్‌గా కనిపిస్తాడట. ప్రపంచవ్యాప్తంగా అనేక దేశాల్లో పరిశ్రమలు నెలకొల్పి విజయవంతమైన వ్యాపారవేత్తగా నిలుస్తాడు. ఈ క్రమంలో తన ఉన్నతికి సాయపడిన అందరికీ థ్యాంక్యూ చెప్పాలని అనుకుంటాడు. ఈ క్రమంలో జరిగిన అంశాలే సినిమా అని చెబుతున్నారు. దీనిపై చిత్రబృందం నుంచి ఎలాంటి అధికారిక స్పందన లేదు. అన్నట్లు ఇందులో చైతు మహేష్‌బాబు ఫ్యాన్స్‌ ప్రెసిడెంట్‌గా కనిపిస్తాడు. అంతేకాదు హాకీ ప్లేయర్‌గా కూడా కనిపిస్తాడు.
Most Recommended Video
క్రాక్ సినిమా రివ్యూ & రేటింగ్!
ఈ 10 మంది సినీ సెలబ్రిటీలకు తల్లులు వేరైనా తండ్రులు ఒకరే..!
అల్లు అర్జున్ నుండి నాగ చైతన్య వరకు.. అందమైన స్టార్ కాపుల్స్.. సతీమణులే స్పెషల్ ఎట్రాక్షన్!
