Balayya Babu, Bobby: ముగ్గురు హీరోయిన్లతో బాలయ్య రొమాన్స్!

నందమూరి బాలకృష్ణ హీరోగా బాబీ కొల్లి(కె.యస్.రవీంద్ర) దర్శకత్వంలో ఓ మూవీ రూపొందుతున్న సంగతి తెలిసిందే. ‘సితార ఎంటర్టైన్మెంట్స్’ బ్యానర్ పై సూర్యదేవర నాగవంశీ ఈ చిత్రాన్ని నిర్మిస్తున్నారు. ‘ఫార్చ్యూన్ ఫోర్ సినిమాస్’ ‘శ్రీకర స్టూడియోస్’ సమర్పకులుగా వ్యవహరిస్తున్నారు. బాలకృష్ణ 109 వ సినిమాగా ఈ మూవీ రూపొందుతుంది. ఈ మధ్యనే ఓ యాక్షన్ షెడ్యూల్ తో షూటింగ్ ప్రారంభమైంది. బాలకృష్ణ నటించిన గత 3 సినిమాలు ‘అఖండ’ ‘వీరసింహారెడ్డి’ ‘భగవంత్ కేసరి’..

వంటివి సూపర్ హిట్లుగా నిలిచాయి. దీంతో బాలయ్య 109 వ సినిమాని ఎంతో ప్రతిష్టాత్మకంగా నిర్మిస్తున్నారు నాగ వంశీ. బాలయ్య కెరీర్లోనే హైయెస్ట్ బడ్జెట్ తో ఈ మూవీని రూపొందించనున్నారు అని తెలుస్తుంది. ఈ క్రమంలో హీరోయిన్ ఎంపిక కోసం కూడా చాలా శ్రద్ధ వహిస్తున్నారట. అందుతున్న సమాచారం ప్రకారం.. ఈ సినిమాలో ముగ్గురు హీరోయిన్లు ఉంటారట. ఊర్శ‌శీ రౌతేలా, మీనాక్షి చౌద‌రి..లు ఆల్రెడీ ఫైనల్ అయినట్టు సమాచారం. ఇప్పుడు మరో హీరోయిన్ కోసం గాలిస్తున్నారు అని తెలుస్తుంది.

‘భగవంత్ కేసరి’ లో బాలయ్య (Balayya Babu) సరసన కాజల్ నటించినా.. వాళ్ళ మధ్య పెద్దగా రొమాంటిక్ ట్రాక్ వంటివి పెట్టలేదు దర్శకుడు అనిల్ రావిపూడి. అయితే బాబీ సినిమాలో లవ్ అండ్ రొమాంటిక్ ట్రాక్స్ వంటివి కూడా కథలో భాగంగా ఉంటాయట. అందుకే ముగ్గురు హీరోయిన్లను ఎంపిక చేసుకుంటున్నట్టు సమాచారం. ఈ సినిమాలో మొత్తం 5 పాటలు ఉంటాయట. అందులో 3 మాస్ పాటలు ఉంటాయని తెలుస్తోంది. ఓ స్పెషల్ సాంగ్లో ఊర్శ‌శీ రౌతేలా బాలయ్యతో చిందులు వేయబోతుంది అని సమాచారం.

యానిమల్ సినిమా రివ్యూ & రేటింగ్!

దూత వెబ్ సిరీస్ రివ్యూ & రేటింగ్!
‘వీరమల్లు’ టు ‘ ఆర్.టి.జి.ఎం 4’ హోల్డ్ లో పడిన 10 ప్రాజెక్టులు ఇవే..!