హాలీవుడ్, బాలీవుడ్, టాలీవుడ్.. ఇలా అన్ని వుడ్ లలో సంచలన విజయం సొంతం చేసుకొన్న చిత్రం “అవతార్”. రామాయణం ఆధారంగా హాలీవుడ్ లో జేమ్స్ కామరూన్ తెరకెక్కించిన ఈ దృశ్య కావ్యం వయసుతో సంబంధం లేకుండా అన్ని వర్గాల వారినీ అమితంగా ఆకట్టుకొంది. కేవలం హైదరాబాద్ లోని ఐమ్యాక్స్ థియేటర్ లోనే ఈ సినిమా దాదాపు సంవత్సరంపాటు ప్రదర్శింపబడిందంటే ఈ సినిమా రేంజ్ ఏంటన్నది అర్ధం చేసుకోవచ్చు.
2009 లో విడుదలైన ఈ చిత్రానికి ఇప్పుడు సీక్వెల్స్ రాబోతున్నాయట. అది కూడా ఒకటి రెండు కాదు ఏకంగా నాలుగు. ఈ విషయాన్ని దర్శకుడు జేమ్స్ స్వయంగా తెలిపాడు.
అవతార్ 2 ను 2018 డిసెంబర్ లో విడుదల చేయనున్నట్లు ప్రకటించిన ఆయన మరో మూడు సీక్వెల్స్ ను 2020, 2022, 2023 సంవత్సరాలలో విడుదల చేయనున్నట్లు స్పష్టం చేశారు!
