Bheemla Nayak: ‘భీమ్లా నాయక్’ ను మిస్ చేసుకున్న 5 మంది స్టార్లు వీళ్ళే..!

February 28, 2022 / 12:49 PM ISTByFilmy Focus

Join Us

Bheemla Nayak: ‘భీమ్లా నాయక్’ ను మిస్ చేసుకున్న 5 మంది స్టార్లు వీళ్ళే..!

పవర్ స్టార్ పవన్ కళ్యాణ్, రానా దగ్గుబాటి లు హీరోలుగా నిత్యా మేనన్, సంయుక్తా మేనన్ లు హీరోయిన్లుగా సాగర్ చంద్ర దర్శకత్వంలో తెరకెక్కిన చిత్రం ‘భీమ్లా నాయక్’. సూర్య దేవర నాగవంశీ తన ‘సితార ఎంటర్టైన్మెంట్స్’ బ్యానర్ పై ఈ చిత్రాన్ని నిర్మించగా మాటల మాంత్రికుడు త్రివిక్రమ్.. మాటలు, స్క్రీన్ ప్లే ని అందించడం జరిగింది. ఫిబ్రవరి 25న విడుదలైన ఈ చిత్రం హిట్ టాక్ ను సొంతం చేసుకుంది.

అహానికి మరియు ఆత్మగౌరవానికి నడుమ మడమ తిప్పని యుద్ధం కాన్సెప్ట్ తో ఈ చిత్రం తెరకెక్కింది. రానా ఒక ఎక్స్ మిలిటరీ మెన్ డానియల్ శేఖర్ గా, పవన్ కళ్యాణ్ పోలీస్ ఆఫీసర్ భీమ్లా నాయక్ గా ఈ చిత్రంలో అద్భుతమైన నటన కనపరిచారు. మలయాళంలో సూపర్ హిట్ అయిన ‘అయ్యప్పనుమ్ కోషియమ్’ కు రీమేక్ గా ఈ చిత్రం తెరకెక్కింది. అయితే ఈ చిత్రాన్ని తెలుగులో రీమేక్ చేయడానికి ‘సితార ఎంటర్టైన్మెంట్స్’ వారు రెడీ అయినప్పుడు చాలా మంది స్టార్లను సంప్రదించారు.

మెయిన్ గా ఈ చిత్రంలో పవన్ కళ్యాణ్ ను ఎంపిక చేసుకోవాలనే ఆలోచన ఎవ్వరికీ లేదు. మొదట పవన్ ప్లేస్ లో వెంకటేష్, బాలకృష్ణ, రవితేజ లను సంప్రదించారు మేకర్స్. ఓ దశలో రవితేజ ఫైనల్ అయినట్టే అయ్యి తప్పుకున్నాడు. దీంతో త్రివిక్రమ్ ఇన్ఫ్లుయెన్స్ తో పవన్ ను రంగంలోకి దిగాడు. తర్వాత త్రివిక్రమ్ కూడా ఈ ప్రాజెక్టులో రెండో విధంగా కూడా భాగం కావాల్సి వచ్చింది. ఇక అటు తర్వాత పవన్ సరసన ముందుగా సాయి పల్లవిని అనుకున్నారు.

ఆ పాత్రకి ఎందుకో సాయి పల్లవి ఓకె చెప్పలేదు.దాంతో నిత్యా మేనన్ ను ఎంపికచేసుకున్నారు. మరోపక్క రానా సరసన ఐశ్వర్య రాజేష్ ను అనుకున్నారు. ఆమె కూడా కొన్ని కారణాల వలన ఈ ప్రాజెక్టులో భాగం కాలేకపోయింది దాంతో సంయుక్తా మేనన్ ను ఫైనల్ చేశారు మేకర్స్.