మంచు మనోజ్ అహం బ్రహ్మస్మి అద్భుతమట..!

మంచు మనోజ్ హీరోగా కెరీర్ ఆరంభించి 16ఏళ్ళు అవుతుంది. కెరీర్ బిగినింగ్ లో కొన్ని హిట్స్ అందుకున్న ఈ హీరో తరువాత వరుస ఫెయిల్యూర్స్ ఎదుర్కొన్నాడు. వైవిధ్యమైన చిత్రాలు ఎంచుకొనే మనోజ్ ఎప్పుడు కూడా భారీ విజయాన్ని నమోదు చేయలేకపోయాడు. నటుడిగా మంచి మార్కులే పడ్డా కానీ కమర్షియల్ గా ఆయన సక్సెస్ కాలేకపోయారు. దీనితో ఈ హీరో దాదాపు మూడేళ్లు సినిమాలకు దూరంగా ఉన్నారు. కెరీర్ మరియు పర్సనల్ లైఫ్ రెండూ ఆయనకి కలిసి రాలేదు.

గత ఏడాది చివర్లో మనోజ్, భార్య నుండి విడాకులు తీసుకున్నారు. ఒక దశలో మనోజ్ తీవ్ర మనోవేదనకు గురైనట్లు కూడా వార్తలు వచ్చాయి. అవన్నీ అధిగమించిన మనోజ్ ఓ భారీ ప్రాజెక్ట్ ప్రకటించారు. రెండు నెలల క్రితం మనోజ్ అహం బ్రహ్మస్మి అనే ఓ క్రేజీ ప్రాజెక్ట్ ప్రకటించడంతో పాటు దానిని ప్రారంభించడం కూడా జరిగింది. భారీ బడ్జెట్ తో పాన్ ఇండియా మూవీగా ఈ చిత్రం విడుదల కానుంది. కాగా ఈ మూవీకి సంబందించిన ఓ ఆసక్తికర విషయం మంచు మనోజ్ తాజా ఇంటర్వ్యూ లో పంచుకున్నాడు.

భారీ యాక్షన్ ఎంటర్టైనర్ గా తెరకెక్కనున్న ఈ చిత్రం కోసం స్టార్ స్టంట్ మాస్టర్ పీటర్ హెయిన్స్ తో ఆయన పని చేస్తున్నారట. అలాగే కేవలం ఒక యాక్షన్ సీక్వెన్స్ చిత్రీకరణ కోసం దాదాపు 6కోట్ల రూపాయలు ఖర్చు చేయనున్నారట. ఒక్క సన్నివేశం కోసం ఇంత బడ్జెట్ కేటాయిస్తున్న ఈ మూవీ ఉన్నతమైన నిర్మాత విలువలతో రిచ్ గా తెరకెక్కనుందని హీరో మనోజ్ చెవుతున్నారు. డైరెక్టర్ శ్రీకాంత్ ఎన్ రెడ్డి ఈ మూవీని తెరకెక్కిస్తుండగా, మనోజ్ స్వయంగా నిర్మిస్తున్నారు.

Most Recommended Video

అందమైన హీరోయిన్స్ ని పెళ్లి చేసుకున్న టాలీవుడ్ విలన్స్
తెలుగు హీరోలను చేసుకున్న తెలుగురాని హీరోయిన్స్
తన 19 ఏళ్ళ సినీ కెరియర్ లో ఎన్టీఆర్ వదులుకున్న 12 హిట్ సినిమాలు ఇవే!